siulittaasunngorniuunneq

Lars-Emil suli utaqqisitsivoq

Siumup partiianik pilersitseqataasoq, Lars-Emil Johansen, aviisimut AG-mut sap. ak. kingulleq oqaluttuarpoq Siumumi siulittaasussatut sassarnissani isumaliutersuutigigini. Kisianni pingasunngornermi suli oqaluttuarisinnaanngilaa sassarniarnerluni

Partiip immikkut ataatsimeersuarnissaanut ullut pingasuinnanngortut, partiimik pilersitseqataasup, Lars-Emil Johansenip, suli oqaatigisinnaanngilaa Siumumi siulittaasussatut sassarniarnerluni

Siumut immikkut ataatsimeersuassaaq arfininngorpat Nuummi. Ataatsimeersuarnermi Aleqa Hammondip taartissaa nassaarineqassaaq.

Atuaruk: Wæverip Kielsen tapersersorpaa

Atuaruk: Kim Kielsen Siumumi aamma siulittaasoorusuppoq

Maannamut siulittaasussatut sassartut pingasuupput. Tassalu Doris Jakobsen, Kim Kielsen aamma Nick Nielsen sassarnerminik marlunngornermi nalunaaruteqartoq.

Kisianni pingasunngornermi, partiip immikkut ataatsimeersuarnissaanut ullut pingasuinnanngortullu, partiimik pilersitseqataasup suli oqaatigisinnaanngilaa Siumumi siulittaasussatut sassarniarnerluni.

Atuaruk: Doris Siumumi siulittaasunngorusuttoq

- Piareeruma nalunaaruteqarumaarpunga, Lars-Emil Johansen naatsunnguamik taama Sermitsiaq.AG-mut oqarpoq.

Siumut oqaluttuarisaanermini, Aleqa Hammondip nunatta karsianik inuttut atuisarsimanerata kinguneranik, aatsaat taama ajornartorsiortigivoq.

Atuaruk: Aleqa Hammond partiimi siulittaasutut tunuarpoq

Powered by Labrador CMS