isumalioqatigiissitaq
Lars-Emil Siumumit toqqarneqarpoq
Inatsisartut Siulittaasoq Lars-Emil Johansen Tunngaviusumik Inatsisissamut Isumalioqatigiisitami siulittaasussatut Inatsisartuni Siumup gruppiani toqqarneqarpoq.
Sermitsiaq.AG-p atuartartuinit amerlanerussuteqarluartut Lars-Emil Johansen Tunngaviusumik Inatsisissamut Isumalioqatigiisitami siulittaasunngornissaa akerlerivaat.
Inatsisartunili Siumup gruppiata misilittagai iluatigaat. Atorfimmut tulluartuusoq Siumut isumaqarpoq.
Atuaruk: Amerlanerussuteqarluartut: Lars Emili atorfinissanngilaq
- Siumup gruppiata iluani tamat oqartussaanerat naapertorlugu pisarneq malillugu sassartut akornanni qineqqusaartoqareersoq, taasinermi inatsisartut siulittaasuat Lars-Emil Johansen amerlanerussuteqartunit toqqarneqarluni isumalioqatigiissitami siulittaasussatut innersuussutigineqarpoq, Siumup politikkikkut oqaaseqartartua Karl-Kristian Kruse, taama allappoq.
Atuaruk: Atorfimmut pingaarutilimmut tulluartuua?
Vivian Motzfeldtili Tunngaviusumik Inatsisissamut Isumalioqatigiisitami ilaasortassasut innersuussutigineqartoq ilanngullugu paasissutissiaraa.