Skip to main content

Lars-Emil Johansenip Kim Kielsen isornartorsiorpaa

Siumup iluani akerleriinneq sakkortusiartortoq

Sakkukilliartoriarluni, sapaatip akunnerilu arlaqanngitsut matuma siorna ammanerusumik sakkortunerusumillu periarlutik. Maanna aatsaat sakkortunerusumik akerleriilerput.

Eqqartorneqartoq tassaavoq partii Siumup iluani pissaaneqarniunneq.

- Isumaginninnermut aamma aalisarnermut naalakkersuisoqarfiit tigummiinnartussaangaluarpagut.

Lars-Emil Johansenip Siumup siulittaasuanut Kim Kielsenimut isornartorsiuvinera ukiaq naalakkersuisunik nikisitsinermigut susassaqarfinnik tunniussisimanera pillugu Sermitsiaq aviisi allaaserinnippoq.

- Partiitsinnit akisussaaffeqarfiit pingaarutillit ingerlalluartullu, soorlu isumaginninnermut aamma aalisarnermut naalakkersuisoqarfiit, partiinut allanut tunniussuunneqarnerat isornartoqartippara, Lars-Emil Johansen Sermitsiamut oqarpoq. 

Nalunnginneqartutut Lars-Emil Johansenip inooqataata Martha Lund Olsenip piumassuserinngisamik Isumaginninnermut Naalakkersuisuujunnaartinneqarpoq. Akisussaaffik maanna IA-p siulittaasuanit Sara Olsvigip tigummineqarpoq.

Parteeqatigisat akisussaaffeqarfimmi suliniutaat naammaginngikkaanni parteeqatinik allanik taarserneqarsinnaapput. Partiinut allanukaqqaarani periarfissaq taanna siullermik atorneqarsimasariaqaraluarpoq, Lars-Emil Johansen aviisimut oqarpoq.

Illoqarfiit pingaanersaanni pilersaarummik sakkortuumik uparuaaneq

Assortuussutigineqartoq kingulleq tassaavoq illoqarfiit pingaanersaanni pilersaarusiaq, taannalu Kommuneqarfik Sermersuup massakkut tusarniaatigaa.

Pilersaarulli Kim Kielsenip isornartorsiorpaa. Asii Chemnitz Narupimut (IA) borgmesteritut taarsissallugu piukkoortup Martha Lund Olsenip akissuteqarluni Kim Kielseni sakkortuumik isornartorsiullugu akivaa.

Martha Lund Olsenilu eqqortuliortoq, Lars-Emil Johansen isumaqarpoq.

- Kikkut tamat oqartussaaqataaneranni tunngaviit malillugit oqallittoqarpoq, tamatumani kikkut tamat kiffaanngissusertik atorlugu oqaaseqarsinnaatitaapput, tamannalu ajunngilaq. Oqallinneq ammasumik oqallittoqarneranut aamma kikkulluunniit oqaaseqarsinnaatitaanerisa atuunnerannut takussutissaavoq, Lars-Emil Johansen Sermitsiamut oqarpoq.

Lars-Emil Johansenip partiimi siulittaasuanut isorinninneranut allaaserisaq Sermitsiami atuarsinnaavat:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER