Kuupik Pelemut: Eqqarsarluaqqaartassaatit

Naalakkersuisuni siulittaasuusimasoq: Pissuserissaarneq angusaqarfiunerpaasarpoq, taama Kuupik Kleist aviisimut AG-imut oqarpoq.

Kuupik Kleist: Akerassarsiornissamut piffissaanngilaq, ilissarsiornissarli pingaaruteqarpoq.

-Akerassarsiornissamut piffissaanngilaq. Piffissami uani ilissarsiornissaq pingaaruteqarpoq. Kalaallit Nunaata nunat allat suleqatigisinnaasani tamaasa pisariaqartippai, Naalakkersuisuni siulittaasuusimasoq aamma Nunanut Allanut Naalakkersuisoqarfimmi pisortaasimasoq, Kuupik Kleist oqarpoq, nangipporlu:

-Taamaattumik naalakkersuisunngorlaap Naleqqameersup eqqarsarluaqqaartarnissaanik siunnersorusuppara, pissuserissaarneq angusaqarluarnarnerusarmat, aviisimut AG-imut oqarpoq.

Pele Broberg namminiilivinnissaq pillugu Inatsisartunut 6.april 2021-mi qinersineq sioqqullugu sakkortuumik isummersortartutut ilisimaneqarpoq.

Oqaluttuaq tamaat uani AG-imi atuaruk:

Powered by Labrador CMS