Futsalimi GM

Kuummiut GM-mut piareerput

Illup iluani arsaannermi futsalimi GM-qarnissaanut tunumi anngunniunnerit naammassipput

Futsalimi GM-imi K-64ip arsartussai Hans Nathanielsen, Thomas Abelsen, Nikolaj Uitsatikitseq, Thomas Lyberth, Elisæus Aminak, Knud Mathiassen aamma Moses Piva. ars Amagtangneq, Tinka Mikaelsen, Dilare Bajare aamma Niels Peter Thorning assimi peqataanngillat

K-64 Kuummiuneersoq silami arsaannermi siorna pissartanngorniuttoqarneranisut tunumiut sinnerlugit futsalimi GM-rtoqarnerani peqataasussanngorput. Anngunniulluni unamminerit pissanganartut marluk ATA-mut Tasiilameersumut siornatigut GM-mi angusarissaartareersumut naammassivaat.

Anngunniulluni unamminerit sapaatip akunnerata naanerani kingullermi Tasiilami pipput. Unamminerni tamani minutsit 20-it marloriarlugit unammisoqartarpoq. Unamminermi siullermi arfinngormat pisumi 3-3-mik naligiiginnarput. Unamminermi kingullermi aalajangiisumi K-64 5-4-mik ajugaavoq.

Taamaasilluni K-65 futsalimi martsip naanerani Maniitsumi GM-rtoqarnissaanut annguppoq tassanilu iligiit aqqaneq marluk unammersuassapput.

Powered by Labrador CMS