Skip to main content

Kuultisiorfik aningaasaliissutissanik 357 millioner koruuninik pilersitsivoq

Nalunami kuultisiorfimmik ammaaqqinnissaq anguniagaavoq, kisianni naak kuulti?

AEX Gold Islandimiut ingerlatseqatigiiffiannit ARC-imit ingerlatsisuusutut pilersinneqarsimavoq Eldur Olafson siuttoralugu. Kiisalu ingerlatseqatigiiffimmit FBC Miningimit, kuultisiorfiup matunerata kingorna Nalunami piiaanissamut pisinnaatitaaffinnik piginnittuusumit. AEX Goldip Kujataani kuultimik piiaanissamut kuultueqarneranillu misissueqqissaarnissamut akuersissutinik tamanit piginnittoq Nalunaq A/S pigisaraa. 

AEX Gold Ltd ingerlatseqatigiiffiuvoq Nalunaq A/S, Kujataani Nalunami kuultimik piiaanissamut kiisalu 3000 kvadratkilometerit sinnerlugit annertussusilimmi kuulteqarneranik misissueqqissaarinissamut pisinnaatitaaffinnik pigisaqartoq, sinnerlugu ingerlatsisuusoq.

AEX Gold Torontomi aningaasanik pappiaranillu nalilinnik niuerfimmi venture-børsimi (TSX-V:AEX) nalunaarsorneqarsimavoq. Ingerlatseqatigiiffik børsimi nalunaarsorneqarnermini Canadamiut dollariinik 6,7 millioninik (37 millioner koruunit missinginik) 2017-imi pilersitsivoq. 

Aningaasaliissutinik pilersitsineq Londonimi AIM-imi nalunaarsorneqarneq

Ingerlatseqatigiiffik 2018-imi 2019-imilu  Canadamiut dollariinik suli allanik 13,5 millioninik (65 millioner koruunit missinginik) pilersitseqqippoq, ilaatigut Vækstfonden aamma Greenland Venture, tamarmik immikkut Canadamiut dollarinik 1,5 millioninik aningaasaliissuteqartut, aningaasaliisoralugit. Soraarnerussutisiaqalernissamut aningaasaateqarfiup SISA-p Greenland Venturep aamma Vækstfondenip piginneqataassutaataasa pingajorarterutaat 2019-imi pisiarai taamaalilluni AEX Goldimi piginneqataassutit 6,4 procentiinik piginnittunngorluni. Kalaallit Nunaat taamaalilluni ingerlatseqatigiiffimmi piginneqataassutinik malunnaateqarluartunik pigisaqalerpoq.

AEX-ip Londonimi nalunaarsorneqarnissamik aningaasaliissutinillu qaffaanissanik siunertaqarnini juunimi 2020-mi nalunaarutigaa. Qanittukkullu AEX nalunaarpoq, aningaasaliissutit tuluit pundii 42,5 millionit (Canadamiut dollarii 72,7 millionit imaluunniit 357 millioner koruunit) Londonimi pilersissimagitik, Londonimilu børsimi periarfissami allami AIM-imi nalunaarsorneqarnissaq maanna sulissutigineqartoq.

Taakkua aningaasarpassuupput. Tamatumunnga tunngaviusoq sunaava?

Allaaserineqartoq aviisimi Sermitsiami tamakkiisumik atuaruk. Aviisi uani pisiarineqarsinnaavoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER