Skip to main content

Kuno Fencker Royal Arctic Linemiikkunnaarpoq

Umiarsuaatileqatigiiffimmi Namminersorlutik Oqartussani pigineqartumi Naalakkersuisut nutaamik siulersuisunut siulittaasunngortitsipput. Kuno Fenckeri Ulrik Blidorfimit taarserneqarpoq. Kuno Fencker siulersuisuniikkunnaarpoq.

Royal Arctic Linemi ataatsimeersuartoqarnerani siulersuisuni siulittaasoq taarserneqarpoq, Kuno Fencker siulersuisunut ilaasortaajunnaarpoq.

Kuno Fencker 2014-imi maajimili suliffeqarfimmi nutarterinerup nalaani, siulersuisunut siulittaasuusimavoq. Nutaanik umiarsualiortitsinikkut umiarsuaatini nutarterineq aallartinneqarpoq, aamma suliffeqarfimmi aqutsissutinik nutarterisoqarluni, umiarsuaatileqatigiiffik tusagassiuutinut nalunaarummi ilisimatitsivoq.

Maanna umiarsuaatileqatigiiffiup pilersaarutaani naammassineqartussanngorput ukiup tulliani umiarsuaatileqatigiiffinnik allanik annertunerusumik suleqateqalernissaq, taamaalilluni nunatsinnut nunatsinniillu imaatigut assartuussinermi periarfissat atorluarlugit pitsaanerusumik eqaannerusumillu assartuussisoqarsinnaalissalluni.

Siulersuisuni siulittaasoq nutaaq Ulrik Blidorf oqarpoq:

- Royal Arctic Line ukiuni kingullerni malinnaavigisimavara, suliffeqarfillu pissanganaqisumik ineriartorpoq, qularinngilaralu tamanna Kalaallit Nunaanni atuisunut tamanut iluaqutaajumaartoq. Ammanerusumik ingerlaarsinnaaneq atuisunut sulisunullu nutaanik periarfissiissaaq. Siulersuisut aqutsisoqatigiillu peqatigalugit Royal Arctic Linemi allannguinissat pitsaasumik ingerlanneqarnissaat qulakkiissallugit qilanaarivara.

Pisortaaneq Verner Hammeken, oqarpoq: 

- Royal Arctic Linemi allannguineq annertooq ingerlapparput.  Maanna nutarterinerput tunngavigalugu periarfissat pilersinneqartut atorluarsinnaannguleriartorpagut.  Suliassat takkussuuttussat eqqarsaatigalugit piffissami periarfissaq iluatinnartoq aallarnerfigalugu Ulrik Blidorfip piginnaasai siulersuisut siulittaasoqarfianni atorluarneqalissapput. Royal Arctic Line tamaat sinnerlugu Ulrik Blidorf tikilluaqqungaarpara.

Verner Hammekenip Kuno Fenckeri siulersuisunut siulittaasutut sulineranut qujaffigaa.

Ulrik Blidorf Inuit Lawimi eqqartuussissuserisuuvoq, taanna 2011-imi eqqartuussissuserisutut akuerineqarsimavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER