Skip to main content

Kuno Fencker Partii Naleqqami ilaasortaajunnaarpoq

Partii Naleraq sinnerlugu folketingimut qinigassanngortissimasup Kuno Fenckerip paasisinnaanngilaa sooq partiip Mikael Petersen atorfinitsissimaneraa. Tamanna pissutigalugu partiimi ilaasortaajunaarpoq

Partii Naleqqap Mikael Petersenimik atorfinititsinera akueriuminaatsillugu Kuno Fencker partiimi ilaasortaajunnaarpoq.

Tamanna Sermitsiaq.AG-mut ilisimatitsissutigaa.

- Atorfinitsinneqarnera nutaarsiassani takugakku partiimut attaveqarpunga paasiniarlugu ilumoornersoq. Atorfinitsinneqarsimanera uppernarsineqarmat partiimi ilaasortaajunnaarnera nalunaarutigaara, Kuno Fencker Sermitsiaq.AG-mut oqarpoq.

Pissuserissaarnissaq tunngaviuvoq

Partii sinnerlugu folketingimut qinigassanngortippoq ukioq kingulleq, nuna tamakkerlugu 455-init taaguunneqarluni.

- Pissuserissaarnissaq pingaartillugu partii qimappara. Partiip atorfinititsinissamut aalajangernera pakatsissutigeqaara, pissuserissaarnissaq partiimit pingaartinneqannginnera pakatsissutigalugu, oqarpoq.

Kuno Fenckerip folketingimut ilaasortaq Aki-Matilda Dam-Høegh aapparaa, taanna Mikael Petersenimut kinguaassiuutitigut innimiilliorsimasutut unnerluutiginnittunut ilaavoq.

- Aki-Matilda Dam-Høegh aapparigakku partiimi ilaasortaajunnaarpit?

- Pisoq qanimut soorunami malinnaaffiginikuuara, pisut amiilaarnartut uppernarsaatissartalimmik uppernarsinikuullugit. Aamma arnaq ataasiinnaq unnerluussisuunngilaq, arnat qulit unnerluussisuupput. Tamannali partiimi ilaasortaajunnaarninnut tunngaviunngilaq, pissuserissaarnissamut apeqqutit pissutaallutik partii qimappara, oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER