Skip to main content

Kunngissaq aatsitassarsiorneq pillugu pilerisaarinermi: Pinngortitaq mianersuullugu

Kunngissaq Frederik danskit kalaallillu Torontomi inuussutissarsiornikkut pilerisaarinerat ammarniarlugu sapaammi makiaarpoq, aatsitassarsiornermi ataatsimiinnerit annersaat tassani ingerlanneqarpoq.

Danskit konsuulianni Kunngissaq Frederiup inuussutissarsiornermit aallartitanut ullaap tungaani ataatsimiinneq oqalugiarluni ammarpaa, taanna sorpassuartigut kunngissap naalagaaffeqatigiinnermi nunap immikkoortuani avannarpasinnerpaamut immikkut asanninneranik ersersitsivoq.

Pinngortitaq aamma Kalaallit Nunaat pillugu eqqaamasarpassuani oqaluttuarai, pitsaanerpaatullu oqaatigaa.

Kunngissap nunatsinni pinngortitaq naakkittaannerpaaffianik misigereerpaa, oqalugiarnerminilu pinngortitap ataqqinissaa pingaartippaa.

- Siunissarput eqqarsaatigalugu pinngortitap ataqqinissaa pingaaruteqarpoq, kunngissaq inuussutissarsiortunut aamma politikerinut taama oqarpoq, taassumalu aatsitassarsiornerup ineriartornissaa kissaatigaa.

Suliffissanik nutaanik pilersitsiniarnermik aamma aningaasaqarnikkut siuariartornermik anguniagaq angussagaanni, pinngortitaq ataqqillugu inuussutissarsiornerup ineriartortinnissaa pingaaruteqarluinnartoq kunngissap paaseqquaa, issittumi pinngortitap ataqatigiinnera illersorlugu.

Kunngissap oqalugiareernerata kingornat aatsitassanut naalakkersuisoq Erik Jensen oqalugiartarfimmut qaqivoq, taassumalu inuussutissarsiortorpassuit attaveqatigiit imminnut akerleriinnatik anguniagaqatigiillutik suleqatigiittut nuannaarutigai.

- Politikkikkut aalajaatsumik ingerlariaaseqarpugut, Erik Jensen oqarpoq. Oqariartuut immaqa qularnanngitsumik amerlasuunit allatut oqaatigineqartussaq, kisianni Kalaallit Nunaat Nuummi angisuumik umiarsualiviliosrsimasoq Erik Jensenip tikkuarpaa, maannakkullu aamma attaveqaqatigiinnermut tunngasunik annertuunik (mittarfiit nutaat, aaqq.) suliniuteqartoq.   

- Nunani tamalaani aningaasaliisartut nutaat aamma aatsitassarsioqatigiiffit angussallugit periarfissaraarput, Erik Jensen oqarpoq.

Kunngissaq Frederiup nalunaaqutaq 14.00 (nunatsinni nal. 16.00) kalaallit PDAC-imi pilerisaariffiat ammassavaa, taanna inunnit 25.000-nit amerlanerusunit nunarsuarmit tamaneersunit orninneqarpoq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER