Skip to main content

Kunngikkormiut umiarsuaat pillugu misiginikuusatit oqaluttuarikkit

Kunngikkormiut umiarsuaat Dannebrog arlaanik pissanganartumik misigisaqarfiginikuuiuk? Umiarsuup ukiuni 90-inngortorsiornissaanut atatillugu misiginikuusatit immikkut saqqummersitsinissami oqaluttuarisinnaavatit.

M/S Museet for Søfart, umiartornermut tunngasunut katersugaasiviup Kunngikkormiut umiarsuaat Dannebrog ukiuni 90-inngortorsiornissaanut tunngatillugu immikkut saqqummersitsilerpoq. 

Immikkut saqqummersitsinermi assit, oqaluttuat, eqqaamasat umiarsuarmiit pequtaq tigummineqartoq katersugaasiviup pissarsiarerusuppaat. 

- Ukiuni qulikkaani qulingiluani Dannebrog umiarsualivinni amerlasoorpassuarni Danmarkimi, Kalallit Nunaanni Savalimmiunilu angalasarsimavoq. Kunngikkormiut ukiumoortumik umiartortarnerat Naalagaaffimmi innuttaasut illoqarfigisaani naapitsinissamut periarfissiisarpoq. Umiarsuup umiarsualivinnut talikkaangat innuttaasut amerlasoorpassuit niuffiortarput, tamannalu Kunngikkormiut umiarsuaat Naalagaaffiup iluani annertuumik ataatsimoortitsisarneranik takutitsivoq, M/S Museet for Søfart allappoq. 

Dannebrogimi inuuneq

Immikkut saqqummersitsineq februarimi 2022-mi ammassaaq, tassanilu oqaluttuat toqqarneqartut saqqummiunneqassallutik. 

- Kunngikkormiut umiarsuaanik immikkut saqqummersitsinerup Dannebrogimi inuuneq qanoq ittuusimaneranik takussutissiisaaq. Kunngikkormiullu Danmark immamiit qanoq misigisarneraat aamma takuneqarsinnaasaaq. Taassumallu saniatigut innuttaasut Kunngikkormiut umiarsuaanut qanoq atassuteqarnersut oqaluttuarineqassaaq, M/S Museet for Søfart paasissutissiivoq. 

Oqaluttuaateqaruit, assiuteqaruit, eqqaamasaqaruit pequttamilluunniit tigummisaqaruit katersugaasivik uunga mail-imut attavigisinnaavat: dannebrog@mfs.dk. 

M/S Museet for Søfart Helsingør-imiippoq. 

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER