Skip to main content

Kunngikkormiut Kalaallit Nunaanni qaqagu angalanissaat ullulerneqarpoq

Dronning Margrethe ualu Henrik Kalaallit Nunaanni angalassapput aasaru. Dannebrogimi umiarsuarlutik Kalaallit Nunaat, Savalimmiut aamma Danmark angalaarfigissavaat

Kunngikkormiut aasaru angalanissaat nalunaarutigineqarpoq. 

Dronning Margrethep ukiutoqqami oqalugiarnerani oqaatigaa Kalaallit Nunaannut aasaru angalaniarlutik. Kunngikkormiut umiarsuaannut Dannebrogimut ilaallutik angalaassapput. Savalimmiunukaqqaassapput, tassanngaannit Nunatsinnukassapput kiisalu Danmarkimi aamma angalaassallutik. 

Aamaruutissarsiorfik Qullissat, ukioq 1972-imi matuneqartoq, dronning Margrethemit aamma Prins Henrimmit aasaru tikeraarneqartussaanerat Sermitsiaq.AG-mit allaaserineqareerpoq. Tamanna Ilulissani Qullissat Ikinngutaanit ilisimatitsissutigineqareerpoq, Qullissaniissappullu juulip 14-ani. 

Ullut tikeraarfissaat:

15.-19. juuni:
Kunngikkormiut Savalimmiuni tikeraassapput

9.-23. juuli:
Kunngikkormiut Kalaallit Nunaanni tikeraassapput

Septembarip aallaqqaataa:
Kunngikkormiut Ebeltoftimut tikeraassapput

Septembarip aappaat:
Kunngikkormiut Vejlemut tikeraassapput

Septembarip sisamaat:
Kunngikkormiut Aabenraamut tikeraassapput

Hofmarskallatet suleqatigalugu Kunngikkormiut angalanissaat pilersaarusiorneqarput Savalimmiuni rigsombudsmandi, Kalaallit Nunaanni ombudsmandi kiisalu statsforvaltningen suleqatigalugit. 

Kunngikkormiut umiarsuaat Dannebrog qaqagukkut tikittassanersoq pilersaarusiorneqarpoq. Pilersaarut kingusinnerusukkut saqqummiunneqarumaarpoq, kunngikkut illuannit nalunaarutigineqarpoq. 

#Dronningen75årSerAG
Ataqqinartorsuaq Dronningi 75-iliilerpoq. AG tamanna nalliussillugu aviisimi apriilip 16-iani pilluaqqussummik angisuumik sammisaqarlunilu pissanganartumik unammisitsissaaq.

Sapaatip-akunnerani 16-imi Dronningimut pilluaqqusillutit assiliigit, hashtagilu #Dronningen75årSerAG atorlugu assilisat Facebookimut, Instagramimut imaluunniit Twitterimut nuullugu.

Assilisat #Dronningen75årSerAG aqqutigalugu taggerneqarsimasut tamaasa nittartakkami sapaatip-akunnerani 16-imi takutissavavut.

Dronningikkut aasaru Kalaallit Nunaannut tikeraalerpata assilisat pitsaanerpaat qulit AG-mut ilanngunneqarumaarput.

Tamatuma saniatigut assilisamik ajugaasumik makitsisoqassaaq, koorimik imaqarluartumik 2.000 kr.-nik nalilimmik Pisiffik aningaasaliisoralugu akissarsitinneqartussamik.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER