Skip to main content

Kunngi Sisimiuni saqqummersitsilerpoq

Eqqumiitsuliortoq Frederik "Kunngi" Kristensen eqqumiitsuliaminik Sisimiuni Taseralimmi saqqummersitsissaaq. Saqqummersitsineq januaarip 17-ani 2019-imi ammaanersiorneqassaaq.

Saqqummersitsinermi ’Kunngi – eqqumiitsulioriaaseq’ saqqummersinneqassaaq. Kalaallip ataqqisaasup suliarpassuaqartullu, eqqumiitsuliortup Frederik ’Kunngi’ Kristensenip (in. 1952) qalipagai, titartagai ilusilersugaalu ataatsimoortillugit saqqummersinneqassapput.

Taseralimmi ’Kunngi – eqqumiitsulioriaaseq’ saqqummersinneqarnerata ammarneqarnerani, Frederik ’Kunngi’ Kristensen najuutissaaq, Kunngillu taalliaanik erinniaanilllu albumiliaanit nutaamit Jorsi Sørensen aamma Nahome Kreutzmann Pedersen taalliarisimasaanik erinnersimasaanillu atuissallutik.

Sisimiuni Taseralik tusagassiutinut nalunaaruteqarluni taama allappoq.

- Kunngip ilisarnanngitsunik ilusilersuineramini qalipagaani sisamanik teqeqqulik uteqqiasarpoq, namminerlu oqarneratut sisamanik teqeqqulik allanngortikkuminaappoq. Sisamanik teqeqqullip allanngortinniarnerani kipiniarneranilu qalipaatit atortarpai, ataqatigiissaarisutullu atortarlugit, tusagassiutinut nalunaarummi allassimavoq.

Saqqummersinneqarnikuunngitsut saqqummersinneqalerput

Qalipakkat qalipaatigissaaqisut saqqummersinneqassapput, Kunngillu grafikkimik suliarisartagai inimik immersuilluassallutik – taakkunanngalu arlallit siornatigut saqqummiunneqarsimanngillat.

- Taamaalilluni isertunut takutinneqarsinnaavoq, Kunngip eqqumiitsuliap isumassarsiaaneranit naammassinissaanut suleriaasia qanoq ittuunersoq. Aammattaaq qalipaaffissami ilusilersorsimasai, titartagai qalipagaalu imminnut attuumassuteqarsinnaasut takutinneqarsinnaalluni, Nuka Alice Lund, Taseralimmi paasissutissiinermut ataqatigiissaarisoq allappoq.

Saqqummersitsineq Nuuk kunstmuseumi suleqatigalugu kiisalu Naalakkersuisut tipsernermik lottornermillu aningaasaateqarfianit Nunafondenimillu aningaasanik taperneqarnerisigut piviusunngortinneqarpoq.

Taseralik tusagassiutinut nalunaarumminni ilisimatitsipput.

Saqqummersitsineq Taseralimmi januaarip 17-ani 2019-imi nalunaaqutaq ualikkut tallimat qeqqanut ammaanersiorneqassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER