Luftigt
Kulusummi piteraq: Kontroltårnip igalaavi ilummut tingipput
Inunnik ajoqusertoqanngilaq, Kulusummili kontroltårni ajoqusingaatsiarpoq
Annonse
Tunumi Kulusuup Mittarfia qaqutigoortumik anorersuartorujussuuvoq. Mittarfik anorersuarujussuarnut akiuussinnaasutut immikkut sananeqarsimagaluartoq piteraq ima sakkortutigaaq Kulusuup Mittarfia ajoqusingaatsiarlugu.
Kulusuup Mittarfia maanna atorsinnaaqqilerpoq. Maanna sekundimut 20-iinnarnik anorlerpoq, tårnilu ajoquserpasissorujussuugaluartoq ajoquserneri iluarsisariaannaapput, mittarfiup pisortaa Torben Larsen oqarpoq.
Ajoquserniugallartut:
Tårnimi igalaat pingasut aserorput.
Tårnip ilua iluarsisariaannarnik ajoquserpoq.
Terminalimi igalaat nutissimapput. Qularnanngitsumik tårnimit nakkaasunit.
Qatserisarfup matorsui aseruilluni aserorpoq.
Sannavitoqqap qaliata ilaa saqqaatalu ilaa tingipput.