Kulusuk: Qulimiguullip niuluusai qangattalernermi napisut
Qulimiguulimmik Bell 212-mik pisoqarpoq ullumi marlunngornermi. Pisumi inunnik ajoqqusertoqanngilaq
- Marlunngormat Air Greenland Kulusummi Bell212-ip aallarniarneranni nalunaaruteqarnissamut pisussaaffeqarfiusumik nalaataqarpoq. Pisumi inunnik ajoqusertoqanngilaq.
Air Greenland tusagassiutinut nalunaaruteqarpoq.
Qulimiguullip nunamiinnerani pisoq pivoq.
- Aallarniarnerani qulimiguullip niuluusai napipput, tamatumalu kingorna tinginiarneq unitsinneqarpoq, ilaasullu ajoquseratik qimarnunneqarlutik, timmisartuutileqatigiiffik ilisimatitsivoq.
Air Greenlandip pisoq suliassat ingerlanissaannut malitassat malillugit Ajutoortoqarneranut Ataatsimiititaliarsuarmut nalunaarutigaa, kiisalu pisoq pillugu suliffeqarfiup iluani misissuinermik aallartitsilluni. Misissuinerup inerneri piareeriarpata, Air Greenland pinaveersaartitsissutaasinnaasunik atuutsitsilissaaq.
- Air Greenlandip teknikerinik kingoraartissanillu Kulusuliartitsinissani sulissutigaa, taamaalilluni qulimiguulik pilertornerpaamik ingerlatsinerminik aallartitsisinnaaniassammat, nalunaarutigineqarpoq.