Kulturfestivalertitsinermi tusarnaartitsinersuaq
Nordisk Koncertkor aamma Angu kulturip illorsuaani Katuami ataasinngornerup unnukkuani tusarnaartitsissapput
Nuuk Nordisk Kulturtfestivalimut atatillugu Kalaallit Nunaata nipilersortartutut ilisimaneqaataa Angu Motzfeldt aamma Nordisk Koncertkor suleqatigiillutik kulturikkut illorsuarmi Katuap inersuaani ataasinngornermi tusarnaartitsinissaq piareersarsimavaat.
Tusarnaartitsineq Angup nipilersungai Ole Kibsgaardimit Nordisk Koncertkorimut tulluarsarsimasai aammalu Nordisk Koncertkorip erinarsugaat nutaat qangarnitsallu atorneqassapput, taamaasillutik tusarnaariat rytmerpalaartumik klassiskerpalaartumillu imaqartumik tusarnaarnissartik naatsorsuutigisinnaassavaat.
Ole Kibsgaard siornatigut Danmarks Radio'p nipilersoqatigiivinik ilaatigut suleqateqartarsimavoq, taamaammaat aaqqissuisoq nipilersornermik misilittagartuvoq.
- Angup suleqatiginera pissaganarsimavoq, erinarsuutaallu oqaluttuariniarneri pissaganarsimalluni, erinarsoqatigiit ussersortartuaq Bente Colding- Jørgensen oqarpoq.
- Tusarnersumik tusarnaartitsinissaq iluatsissoraara, tassani Angup nipaanik erinarsoqatigiillu 30-it sinnerlugit inuttallit tulliissallutik, taanna oqarpoq.
Erinarsoqatigiit nunat tamalaaneersunit nipilersortartunit appisimaaqatigineqassapput erinnanilu marlunni Nuummi agiartartoqatigiit Hanne Saandvig Immanuelsenimit aqunneqarlutik apeqqataassapput.
Tusarnaartitsineq unnugu nalunaaqutaq 20.00 aallartissaaq.