Kullorsuarmi ukioq ajornerpaaq

Uummannami Upernavimmilu inuussutissarsiornikkut periarfissat assartuinermit tapersersorneqanngillat, ilisimatooq Sisimiuni ataatsimeersuartoqarnerani oqariartuuteqarpoq.

Edvard Nielsen Aronsen, Kullorsuarmi nunaqarfimmi aqutsisut siulittaasuat nunaqarfimmi silaannakkut imaatigullu angallanneq issittumi assartuinermi angallanneq pillugu Sisimiuni ataatsimeersuartoqarnerani saqqummiivoq. -Ukioq kingulleq ajornerpaanut ilaavoq, aamma nutaanik Ilulissani Nuummilu mittarfiliortoqaraluarpat pissutsit pitsaanerulernavianngillat, arlaatigut aaaqqiisoqanngippat, Edvard Nielsen Aronsen oqarpoq.

-2017-imi decemberip 12iani aalisarneq aallartippoq, taava maaniilersunga aalisarnermi tunisinermi tunitsivik ulikkaarpoq 600 tonsi tinguaat, taava tuniseqqissinnaanngillat nassiussuunneqarsinnaanngimmata, amernillu tunisisoqarsinnaanngilaq, taava inuussutissarsiorneq unippoq, annerusumik upernaakkut tapertariniarneqarsinnaannginnamik mamaarnerisa nalaanni tunisaassannginnamik, Edvard Nielsen Aronsen Kullorsuarmi nunaqarfimmi aqutsisut siulittaasuat nunaqarfimmilu niuertoq DTU ARTEK-ip Sisimiuni issittumi angallannikkut attaveqaatit pillugit ulluni pingasunmi ataatsimeersuartitsinerani saqqummiisoq oqarpoq. inuussutissarsiutinillu allanik periarfissaqanngilaq.

- Annerusumik isertitaqaataasinnaasumik taasaqarsinnaanngilaq. oqareerpunga ameerneq unippoq aamma aalisarneq unippoq, taava katersaqarsimasariaqarpoq inuuniassangaanni, taava aalisartut immaqa piffimmi tamatumi ileqqaarsinnaanera apeqqutaasorujuuvoq, Edvard Nielsen Aronsen oqarpoq nassuiaallunilu nunaqarfimmiut kalaalimerngit annerusumik inuussutigisaraat, umiarsuullu tikittup siulliup aappaata aalisakkat qerisut affaat Kullorsuarmiit assartussangai, aasaaneranilu tunitsivinni qerititsivik imaarneqartartoq.

Edvard Nielsen Aronsenip issittumi nunani arfineq pingasuni ilisimatusartut ingeniørillu nunaqarfimmini silaannakkut imaatigullu angallannikkut pissutsinik saqqummiivigai.

Ilisimatuut aamma ilisimatusartut misilittakkaminnik, misissuinerminni paasisaminnik aamma qeriuaannartoq pillugu ilisimasaminnik, issittumi inoqarpallaanngitsumilu sanaartornermik, assartuinermik aamma aningaasaqarnikkut ineriartortitsinermik, suliffissuaqarnerup qanigisaanni inuiaqatigiit, issittumi ingeniørit ilinniarfiat, talittarfiit aamma imaani sanaartukkat, issimut illersuutit, umiarsuarnik assartuinerit aamma mittarfiit ilaalu ilanngullugit sammineqarput.

Allaaserisaq tamaat Sermitsiami saqqummertumi kingullermi atuaruk. Aviisimut isissutissamik uani ataani linki tooriarlugu pisigit:

Powered by Labrador CMS