Skip to main content

Kullorsuarmi imeqanngilaq

Kullorsuarmi imeqanngikkallarpoq. Imermik pilersuinermi ruujorit atortut ajoquteqarnerat tamassumunnga pissutaavoq.

Kullorsuarmi ulluni kingullerni imermik kuuginnartoqanngilaq. Nukissiorfiit tusagassiutinut taama nalunaaruteqarput. Nunaqarfimmi qaqugu imermik kuuginnartoqaqqilissanersoq nalunarallartoq, Nukissiorfik Sermitsiaq.AG-mut allakkatigut nassuiaavoq.

- Kullorsuarmi erngup kuuginnaqqilernissaa piaartumik aaqqiissuteqarfigissallugu sulissutigaarput, nunaqarfimmi innuttaasut imertartarfinnut aalleqqissinnaalerniassammata. Suliarinnittussalli atortussallu Kullorsuarmut annguteqqaartariaqassavagut, tamanna taamaallaat qulimiguulimmik pisinnaavoq. Sumiiffimmili qulimiguulimmik timmisartuussiniarneq ajornartorsiutigineqarpoq, taamaammat erseqqissumik oqarsinnaanngilanga qaqugu imermik pilersuinerup aallarteqqinneqarsinnaaneranik, Sune Tougaard, pisortaqarfimmi aqutsisoq allappoq.

Pumpe ajoquteqartoq

Kullorsuarmi imermut pumpe ajoquteqartoq decembarip 27-ani paasineqarpoq. Ajoqutit uumasumit piliarineqarsimassagatinneqarput. Pumpi tatsip eqqaaniittoq pilertortumik iluarsineqarpoq iluarsaassinerulli nalaani tatsip aamma nunaqarfiup akornanni erngup aqqutaani imeq qerivoq, tamatumalu kingunerisaanik imermik pilersuineq unittoorpoq.

Tamatuma kingunerisaanik aputit oqimaannerata tatsip nunaqarfiullu akornanni erngup aqqutaa kittorartippaa, tamatumalu iluarsaassiniarneq suli ajornarnerulersikkaa, Nukissiorfiit ilisimatitsipput.

Aaqqiisoqarnissaatalu tungaanut Kullorsuarmi innuttaasut imissaqanngikkallassapput.

- Nukissiorfinniit ilisimavarput Kullorsuarmi innuttaasut aput sermerlu aatsillugu imertut atortaraat. Taamaasiussagunillu pingaaruteqarpoq iminnginnerani qalateqqaarnissaa, Sune Tougaard allappoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER