Skip to main content

Kullorsuarmi erngup sukuluissinissaa nalornisigineqarpoq

Nukissiorfimmiit sulisut Kullorsuarmut tikereeraluartut nunaqarfimmi innuttaasut imeqalernissartik imaaliallaannaq ilimagisinnaanngilaat. Nunaqarfik decembarip 27-anili imaaruppoq.

Nukissiorfimmit sulisut Kullorsuarmut ippassaani apuupput, nunaqarfik decembarip 27-anili imeeruppoq.

Silap ajortaqattaarnera silaannakkullu angallassiniarnerup unammillernarluinnarsimanera pissutigalugit sulisut atortullu ataasinngornermi aatsaat apuussinnaasimapput. Tikinnerminniilli erngup aqqutaani nunaqarfimmiit tatsip tungaanut misissorlugu aallartipput. ​​​Nukissiorfiit tusagassiutinut nalunaaruteqarlutik taama allapput.

Qularnaarlugu paasineqarpoq kittorartoortoqarsimasoq erngarfiusumik, taannalu sulisut nivallutik aputaajaallutik qulaarniarnera ingerlappaat ajortissimasut taarserniassagamikkit. Suliamut tamatumunnga atortussat allat atorfissaqartinneqarput Nukissiorfiillu neriutigivaat tulliani nunaqarfimmut helikoptereqarnissaanut ilaallutik tikikkumaartut.

Tatsimi erngup pumperneqarfiani aamma erngartoqarnera paasineqarpoq, tamannalu pissutaalluni erngup aqqutaani imeq qerisoortarluni.

- Taamaattumik suli oqaatigineqarsinnaanngilaq nunaqarfimmut nalinginnaasumik imermik pilersuilernerup iluarsineqarsinnaanera qaqugu pisinnaanersoq maannakkut oqaatigineqarsinnaanngilaq, tassami erngup aqqutaa sukumiisumik misissorneqaqqaartussaammat. Tamanna nammineerluni unamminartoqarpoq tassami 35 gradinik issimmat aamma erngup aqqutaa siassimaffimmini apummik itisuumik qallerneqarsimalluni, tusagassiutinut nalunaarummi allassimavoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER