Kullorsuaq illoqarfinngorusuppoq
Naak Kalaallit Nunaanni nunaqarfiit annerpaartaasa tulliani aalisarnermik inuussutissarsiuteqarneq sukkasuumik ineriartorfiugaluartoq, nunaqarfiup illoqarfinngortinneqarnissaanut suliassaq suli annertoorujussuusoq, inuiaqatigiit pillugitilisimatusartoq isumaqarpoq
Naak Kullorsuarmi nunaqarfimmi aqutsisut, Kullorsuup illoqarfinngortinneqarsinnaanissaanut tunngasumik misissuisitsinissamik takorluugaqaraluartut, nunaqarfiup illoqarfinngortinneqarnissaanut unammilligassat suli annertoorujussuusut, inuiaqatigiit pillugit ilisimatusartoq, Ilisimatusarfimmilu ilinniartitsinermut tunngasuni immikkoortortoqarfimmut attuumassuteqarluni atorfeqartoq, Birger Poppel oqarpoq.
Aviisi Sermitsiaq allappoq.
Naallu nunaqarfimmi 6 millioner koruunit tungaannut naleqartunik inissianik sanaartortoqaraluartoq, innuttaasunik sullissinermut tunngatillugu suliniutit annikitsuinnaapput. Illut nutaajunerusut ilaat imermut attavilerneqarsimapput, pisortallu illuutaat angerlarsimaffiillu kuuffinnut attavilersorneqarsimanngillat, igittakkanillu anartarfeqarlutik.
Kullorsuarmi aalisarnermik inuussutissarsiuteqarnerup annertusiartornera, inissianik sanaatornissamut aammalu kuuffinnik imermullu attavilersuinissamik malitseqartinneqarumaartut, Avannaata Kommuniani borgmesterip, Palle Jerimiassenip Siumumeertup qularutiginngilaa.
Allaaserineqartoq aviisimi Sermitsiami tamakkiisumik atuaruk. Aviisi uani pisiarineqarsinnaavoq: