mianersoqqussut

Kujataani ulussaarsuaq kiattorsuarneersoq piterartitsiniartoq

Tasiilaq anorersuarmut maanna eqqugaanissaa ilimananngilaq

Kiattorsuarmi ulussaarsuusimasoq Nicole, sisamanngornermi Kujataanut apuutissaaq. DMI nittartakkamini taama allappoq.

Nutaarsiassalli pitsaasortaa tassaavoq, Tasiilaq piteqqamut maanna eqqugaassamaarpasinnginnera.

Tasiilap kujataata sineriaani silassami missingersuutini naatsorsuutigineqarpoq, Nicole anorersuartitsiniartoq.

Naqitsiniisaffiup sakkortuup sermersuarmit silaannaq nillertoq kangerlussuartigut nusussavaa. Tamatuma anori sakkortusissavaa, taamaalilluni anorersuarujussualerluni sinerissami ulussaarsuartut sakkortutigisassaaq. Tassa silap taamaannera piterartumik oqaatigineqartarpoq.

Bermudami aserorterisoq
Naqitsiniisaffik Nicole naatsorsuutigineqartutut sisamanngornermi Tasiilap kujataanut inissikkuni, sakkukilleqqinnissaa naatsorsuutigineqarpoq. Imaanili suli natsimaninnguuttartumik anorersuarpoq.

Ullumi ataasinngornermi Nicole ulussaarsuulluni Atlantikup imartaaniippoq, Newfoundlandip kangiata kujataaniilluni. Naqitsiniisaffiup anoraata sakkortunerpaaffissaata 33 m/s missaaniippoq. Ulussaarsuannguunniissaanut killinga tassaavoq 32,5 m/s.

Oktobarip 13-anni ulussaarsuaq Bermudamut aqqusaarpoq, qeqertallu 2003-imili aatsaat taama sakkortutigisumik ulussaarsuarmik aqqusaarneqarpoq.

Powered by Labrador CMS