Kujataani takornarialerineq pillugu workshoppertitsinermi peqataasoqarluartoq
Innovation South Greenland Kujataani takornariaqarfigineqarsinnaasutaqutsisoqarfianiit takornariarlerisunik suleqatigiinnik (workshop) qaaqqusisuupput,najukkami takornarialerisut aallaaviullutik ukiuni tulliuttuni tallimani takornariaqarnermikpiuaannartitsinermik tunngaveqarluni inerisaanissaq siunertaralugu
Kujataani takornarialerisut 29-it naapisimaarput sapaatip akunnerani matumani, aggertullu savaateqarfinneersut qulingiluaneerput, aamma makkunaniit peqataasoqarpoq: Aappilattoq, Igaliku, Nanortalik, Narsarsuaq, Qaqortoq, Qassiarsuk.
Ullut marluk ingerlanerini najukkami takornariartitsisut qitiusumiit takornariaqarnermutpiuaannartitsinissamik najukkamilu inerisaanissaq pillugu isummersuutitik annissorpaat,kiisalu ataatsimoortumik kujataani takornariaqarnikkut ilisarnaataasinnaasunikussassaarinermik anguniagassalerinermillu suliaqarlutik, Innovation South Greenland tusagassiutinut nalunaarummi allappoq.
- Oqaluttuarineqarpiarsinnaanngitsumik tanngassimaarutigaara takornarialerisunik taamaamerlatigisunik peqataarusuttoqarsimammat maani workshop-ertitsigatta. Siunissamitakornariaqarnikkut pilersaarutaasussat soorunami kujataamiunit peqataaffigineqarluarnissaattunngaviulluinnarpoq, najukkami innuttaasut nammineq kissaataat siunnersuutigerusutaallueqqarsaatigalugit. Isumaqarluinnarpunga tamanna sapaatip akunnerata kingullermi angusimagipput, Sarah Woodall Innovation South Greenland-imi, Kujataanitakornariaqarfigineqarsinnaasut aqutsisoqarfiani sulisoq oqarpoq.
Iliuusissaq nutaaq
Takornariaqarnikkut iliuusissanik nutaanik sanasoqartariaqalersoq, soqutiginnittoqarluarnerata takutikkaa naqissuserneqartoq nalunaarutigineqarpoq.
- Kujataani takornariaqarnikkut iliuusissaq nutaaq Innovation South Greenland-ip inuussutissarsiutitigut inerisaanermik pilersaarutaannut tapitartuuppoq. Suliaq tamanna Taamaalilluni Innovation South Greenland-ip suliaasa siullersaat ilagilerpaat, ilisimatitsissutigineqarpoq.
Innovation South Greenland qaammatikkaartumik Qaqortumi allaffimini aaqqissuisarpoqnaapititsisarluni, tassanilu qaammatip nutaap aallartinnerani sisamanngornermi siullerminaapeqatigiittoqartarluni. Martsip tallimaani takornariatitsinermi sammisassaq tassaassaaqKujataani najukkami takornariaqarnikkut inerisaanermi iliuusissanik nutaanik pilersaarusiamisammineqarsimasut nassuiaatigineqassammata. Innuttaasut pulaartullu kikkulluunniittikilluaqqusaapput.