Kujataa
Kujataani pinngortitami innermik atuinissaq politiit mianersoqqussutigaat
Qaammatini arlalinni siallersimanngimmat nuna ima panertigaaq pinngortitami imaasiallaannaq ikuallatsitsisoortoqarsinnaalluni
Kujataani politiit innuttaasunut, takornarianut, takornarianik angallassisunut allanullu pinngortitami angalaartunut mianersoqqussutigaat pinngortitami assersuutigalugu sikaritsimik ikumatitamilluunniit ikitsinaveersaaqqullugit.
– Sapaatip akunnerani kingullermi Tasermiut Aappilattullu akornanni ikuallannertup takutippaa ikuallanneq ima sukkatigisumik siaruaassimasoq qatserisartut inneq qamissinnaanagu, taamaattumik nunarujussuaq ikuallappoq, qatserisartut sumilluunniit iliuuseqarfigisinnaanagu, politiit erseqqissaapput.