Skip to main content

Kujataani mittarfissap inissisimavissaa qularutigineqartoq

Qaqortumi mittarfissap inissisimavissaatut pilersaarutigeqartup aalajangernissaa kukkunerusinnaavoq.

Attaveqaqatigiinnermut Naalakkersuisoq, Erik Jensenip, Kommune Kujallermi kommunalbestyrelsimut akissuteqaataani, tamanna allassimavoq. Sapaatip-akunnerata siuliani kommunalbestyrelsi allakkani ammasuni pilersaarusiaq nutaaq iluarisimaarnagu oqaatigaat. Pilersaarummi nutaami sanaartorneq Nuummisut 2018-imi aasap naalernerani aallartinnani aatsaat 2019-imi aallartissaaq.

Misissuinerit nutaat

Kalaallit Airtportsimi inissiiffissamut, "anorimut silaannaallu aalaruluttarneranut misissukkat ukiumik ataatsimik sivitsorneqarnissaat pisariaqartinneqartoq", Erik Jensenip Kommune Kujallermut paasissutissiaraa.

- Mittarfik siunissami pitsaanerpaamik sullinneqarsinnaassappat taakku pisariaqarluinnarput. Maanna paasissutissat pigineqartut tunngavigineqassappata, ukiumut ullut 70-it 80-illu missaanni timmisartuussinngitsoortarnissaq naatsorsuutigineqartariaqarpoq. Tamanna itisilerlugu misissuiffigineqartariaqarpoq misissuiffigineqassallunilu, taamaalilluni Kalaallit Airports A/S Qaqortumi suliamik pitsanngorsaanissamut periarfissinneqassammat suliarlu pitsaanerpaamik ingerlassinnaassammagu, Erik Jensen akissuteqarluni nassuiaavoq

Massakkullu sumiiffissaa qularnermut peqqutaasoq, akissuteqaammi aamma allassimavoq.

Marginaler

- Mittarfimmut Narsarsuarmut naleqqiullugu annikitsuinnarmik pitsannguiffiusussamut millionerpassuarnik aningaasaliisoqannginnerani piffissamik eqquisinnaanermut pissutsit inissinneqaqqaartussaapput. Kiisalu mittarfimmik atuisussat nutaat pilerisaarneqalerpata piffissamik eqquisinnaaneq taama annikitsigisoq annertuumik ajornartorsiortitsilersinnaavoq, taamaattumillu Kalaallit Airports A/S-ip mittarfimmik pitsanngorsaanissaa inuussutissarsiutinik ingerlataqartut pitsaanerpaamik soqutigisariaqarpaat. Tamanna suliamut kommunimullu pitsaanerpaasussaammat politikeritut akisussaasuusutut akuerisariaqarparput, isumannaannerpaamik kinguaattoorfiunnginnerpaamillu angallassisoqaqqullugu, Erik Jensen allappoq.

Ukioq manna Kommune Kujallermi sanaartugassanut neqerooruteqartitsiniarneq Namminersorlutik Oqartussaniit unammillernartuummat, Attaveqaqatigiinnermut Naalakkersuisup ilanngullugu paasissutissiaraa.

Overophedning

- Tamatumunnga ilaatigut sanaartugassalerinerup annertunera, misilittakkat malillugit suliassaqarfimmi sulisussaaleqinermut attumassuteqarsinnaasoq peqqutaasimassasoq inerniliissutaasinnaasutut oqaatigeqqajaanarsinnaavoq, Erik Jensen, pilersaarut nutaaq ataatsimiititalianit arlalinnit Naalakkersuisuniillu aalajangerneqarsimasoq tikkuarlugu, allappoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER