Skip to main content

Kujataani mittarfissamik suliarinnittussarsiuussineq sivitsorneqartoq

Qaqortumi mittarfissamut atatillugu terminalip illutassallu suliarinnittussarsiuullugit neqeroortitsinermut piffissaliussaq sivitsorneqarsimavoq.

Sanaartornissamut piukkunneqarlutik akuerineqarsimasut ilaata ataatsip Kujataani ilaatigut terminalimik sananissamut neqeroorummi naammassillugu suliarineqarnissaanut piffissap sivitsorneqarnissaa qinnutigisimavaa.

Kalalliit Airports Domesticip piffissaliussap martsip aqqaneq-appaata tungaanut sivitsorneqarnissaa akuerisimavaa. Neqeroorutigineqartut tamarmik kingusinnerpaamik martsip aallaqqaataani tunniunneqarnissaat allaqqaammut pilersaarutaasimagaluarpoq.

Tamaasa ataatsimut isigalugit

Tunniussinissamut piffissaliussap sivitsorneqarnera mittarfiliornermik kinguartitsinissaa ilimananngilaq, tassa mittarfiliornissamut piffissaliussaq martsip aqqaneq-aappaanut inissinneqarsimammat. Ullormilu tassani aatsaat Kalaallit Airports Domesticip sanaartornermi aningaasartuutaanerpaasussat missinngiussap iluaniinnersut tamaasa takusinnaalissavai. Missingiussap iluaniinngippata sanaartugassat annikillisinneqassapput imaluunniit Inatsisartut amerlanerusunik aningaasaliissuteqassapput.

Sulip ingerlaqqinnissaa pillugu pisortaaneq Jens Lauridsen imatut oqarpoq:

- Neqeroorutigineqartut tigugutsigit, suliariumannittussarsiuussinermi piumasaqaatit naapertorlugit nalilersuissaagut. Tamatuma kingorna KAIR-ip piginnittut (Namminersorlutik Oqartussat) oqaloqatigissavai, taakkumi sinnerlugit aamma timmisartoqarfinnut inatsit 2018-imeersoq naapertorlugu sanasussaagatta.

Piginnittut oqaloqatigineqarunnaarallartut

Inatsisartunut qinersisoqartussaanera pissutigalugu Namminersorlutik Oqartussat aamma politikkikkut akisussaasut oqaloqatigineqartarnerat unitsikkallarneqarsimavoq. Naalakkersuisut Inatsisartullu nutaat inissinneqaqqaartariaqarput, timmisarttoqarfissap siunissaa aningaasaqarnikkullu inissisimasoqarnera qulaajaaffigitinnagit.

KAIR-imi ingerlatseqatigiiffik Domestic Namminersorlutik Oqartussat tamakkiisumik pigisaraat, taassumali immikkoortortaqarfia International Nuummi Ilulissanilu mittarfiliortoq Danmarkip naalagaaffianit piginneqataaffigineqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER