Skip to main content

Kujataani marloriarluni annaassiniartoqarsimasoq

Umiatsiaaqqat marluk Kujataani Narsarmiit eqqaanni putsertupilussuaq ajornartorsiulersimapput, sapaatiummallu qulimiguulik atorlugu ajornartorsiortut annaanniarlugit sulineq aallartinneqarsimallni.

Umiarsuit alapernaarsuutit marluk Knud Rasmussen aamma Ejnar Mikkelsen kiisalu Air Greenlandip qulimiguuliutaa sapaatiummat unnukkut ataasinngornikkullu ullaassakkut annaassiniarlutik aallarsimapput, umiatsiaaqqat marluk Narsarmiit avataanni putsertupilussuaq ajornartorsiulersimagamik, Illersornissaqarfiup ullormut nalunaarusiaani tamanna atuarneqarsinnaavoq.

Umiatsiaaqqap aappa pingasunik inuttalik pujornerani tammartajaarsimavoq ikioqqullunilu kalerrisaarimalluni. Qulimiguulik atorlugu ujaasinermi umiatsiaaraq sumiissusersineqarsimavoq issimasullu annaanneqarlutik.

Umiatsiaaraq immalersimasoq

Pisup aappaani umiatsiaaraq marlunnik inuttalik immalersimavoq. Tamanna aamma Narsarmiit avataani pisimavoq. Inuit marluk taakku aamma qulimiguulimmit annaanneqarsimapput, taakku umiatsiaaqqami allami inuit pingasut annaanneqareersimasut peqatigalugit nunamut anngunneqarsimallutik, ullormut nalunaarusiami tamanna atuarneqarsinnaavoq.

Inuit tallimat tamarmik ajunngitsut ilisimatitsissutigineqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER