Kujataani kabelimik iluarsaassinissaq kinguartinneqarpoq
Kujataani sikorsuaqarnera silarlunneralu ajornartorsiortitsivoq
Immap naqqatigut kabelit iluarsaanneqarnissaa pissutaalluni kujataani internettip qaminneqarnissaa Tele-Postimit nalunaarutigineqareerpoq.
Internettili suli qaminneqanngilaq, tamanna ima peqquteqarpoq:
- Kujataani sikorsuaqarlunilu suli silapiluppoq. Taamaammat iluarsaassinissaq kinguartippoq, atuisullu angerlarsimaffimmi internettii ikumagallassapput, Tele-Post ilisimatitsivoq.
Anori immallu sarfarnera sakkukillippata iluarsaassineq qaqugu aallartissanersoq nalunaarutigiumaarparput, ilisimatitsissutigineqarpoq.