Kujataani inuussutissarsiortoq umiarsuaatilinngortoq
Kujataani inuussutissarsiortoq Norgemi umiarsuaatileqatigiinnit umiarsuarmik 2.100 bruttotonsimik pisivoq. Siunissami aatsitassarsiornermi kiffartuussinissaq siunertaavoq.
Rasmus Chr. Rasmussen inuussutissarsiortuuvoq eqeersimaartoq suliarpassualik.
Ilaatigut kujataani savaatilinnut nerukkaatissanik, ikkussassanik naggorissaatinillu pilersuisuuvoq, Qaqortumi inissianik akunnittarfiusunik attartortitsisarluni, maannalu namminerisaminik umiarsuaatilittut umiarsuaatilimmik taasinnaalerpoq.
Suliffeqarfinni suleqatigiinni ”60 North Greenlandimi” pisortaq pingaarnertullu piginnittoq Rasmus Chr. Rasmussen umiarsuarmik anngajaamik piseqqammerpoq.
Aatsitassarsiortut kiffartuunniarai
Tamanna pivoq ingerlatseqatigiiffimmik Aps-imik ”60 North Shippingimik” tamakkiisumik pigisaminik pilersitsinermigut. Umiarsuarmik pisinermigut anguniarpaa siunissami Kalaallit Nunaanni ingammik aatsitassarsiortunik kiffartuussinermigut isertitaqarnissani.
Rasmus Chr. Rasmussen Qaqortumi najugaqartoq Norgemi umiarsuaatilinnit Arriva Shippingimit umiarsuarmik 2.100 bruttotonsimik tamalaanik usisartumik Nor Vikingimik piseqqammarpoq. Umiarsuaq arfineq pingasunik inuttaqarpoq.
Inuussutissarsiortup umiarsuaq ”North Vikingimik” atserpaa. Esbjergimi angerlarsimaffeqassaaq Dansk Internationalt Skibsregisterimi nalunaarsorsimalluni.
- Kalaallit Nunaanni tamarmi inuussutissarsiornikkut siuarsaaniarlunga aningaasaliivunga. Naatsorsuutigaarput umiarsuaq aatsitassanik suliaqartunik kiffartuussinermi atorneqassasoq, Royal Arctic Linep kisermaassilluni ingerlatsiffiginngisaanni. Neriuutigaarput upperalugulu Kalaallit Nunaanni aatsitassarsiornermik ingerlatsisoqalissasoq, Rasmus Chr. Rasmussen oqarpoq.
Inuussutissarsiortup apersorneqarnera tamaat Sermitsiami atuaruk – uani ataani isissutissarsigit: