Skip to main content

Kujataani imeqaleqqittoq

Erngup aqqutai qerisut Kommune Kujallermi piffinni arlaqartuni ajornartorsiortitsipput

Kommune Kujallermi piffinni arlalinni erngup aqqutaannik qerisimasunik imeqarniarnermik ajornartorsiornermik nalaataqarsimasunut innuttaasunut nutaarsiassatsialaqarpoq.

Innaallagissiornermik ingerlatsivik Nukissiorfiit maanna ilisimatitsipput, Qaqortumi aamma nunaqarfinni marlunni imeqarneq aaqqiivigineqartoq.

Alluitsup Paa
Nukissiorfiit ilaatigut Alluitsup Paani utoqqaat illuannut imeqalersitseqqipput, taanna novemberip 27-nili imeerussimavoq.

Alluitsup Paani sakkukillisaavimmik nutaamik pissarsivugut, massakkullu erngup aqqutai aasserneqarput. Utoqqaat illua aamma imertartarfik utoqqaat ulluata eqqaaniittoq imeqaqqilerpoq, Søren Petersen innaallagissiornermik suliffeqarfimmi teamlederiusoq nassuiaavoq.

Nukissiorfiit ajornartorsiutinut aaqqiiniarnerat ruujorit arlallit nutaannginnerat taarsertariaqarnerallu pissutigalugu sivisusimavoq.

Kisianni innaallagissiorfiup Alluitsup Paani 2016-mi ruujorit taarsersornissaannut aamma atortut nutarternissaannut pilersaaruteqarput.

Qaqortoq
Ammassivimmi imertartarfiit tamarmik imeqaqqilerput, Nukissiorfiit ilisimatitsipput.

Innaallagissiornermik suliffeqarfiup erngup aqqutaa qerisimasumik ajornartorsiut utaqqiisaasumik aaqqiivigaat, atuisullu eqqugaasimasut imeqaqqilerput.

- Sukumiisumik aaqqiiffigineqarnissaa sulissutigaarput, Søren Pedersen ilanngullugu oqarpoq.

Ammassivimmi imertartarfiit aamma tamarmik imeqaqqilerput.

Atuaruk: Imermik amigaateqarneq peqqutigalugu sulisut angerlartinneqartartut

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER