Skip to main content

Kujataani aqisserniaq inuusuttoq ujaarineqartoq

21-nik ukiulik Avalequt Gunnar Jakobsen kisimi nunaqarfiup Narsaq Kujalliup eqqaani aqisserniarluni ingerlanermili kingorna, tallimanngormalli takuneqaqqissimanngilaq.

Vagtcentrali sapaatiummat nalunaarfigineqarpoq piniartoq Narsaq Kujallermi aqisserniareerluni angerlarsimanngitsoq.

21-nik ukiulik Avalequt Gunnar Jakobsen tallimanngornermi aqisserniarniarluni kisimiilluni nunaqarfik Narsaq Kujallermiit aallartoq pineqarpoq. Qaatigooq tungujortoq, qarliit tungujortut aammalu nasaq teqqialik atorpai. Timmiarsiummik nassarpoq, Kalaallit Nunaanni Politiit ilisimatitsipput.

- Nalunaarutigineqarpoq Niaqornat tungaannut kangimut aallarsimasoq. Nunaqarfimmi innuttaasut arlallit qaqqami Avaleqummik ujaasisimagaluarput. Nassaarineqanngimmat ujaarineqartutut ilaqutariit vagtcentralimut nalunaarutigaat, politiit nalunaarput.

Ujaasineq
Politiit Issittumi Sakkutooqarfik suleqatigalugu sumiiffimmi qulimiguulimmik aammalu sakkutuut timmisartuat Challenger atorlugit ujaasipput. Sumiiffimmi anorlernera pissutigalugu ataasinngormat timmisartumik angalasoqarsinnaasimanngilaq. Taamaattorli ippassaq ullumilu qulimiguulimmik ujaasisoqarpoq.

Maannamulli pineqartoq suli nassaarineqanngilaq.

Innuttaasut, Avalequt Jakobsenimik takunnissimasinnaasut attaveqarsimasulluunniit, qinnuigineqarput politiit vagtcentraliannut telefon 701448-mut saaffiginneqqullugit.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER