mianersoqqussut
Kujataani anorersuaq
Kujataata ilaata annersaani anorersuarnissaanut politiit aarlerisaaruteqarput. Anorip sakkortunerpaaffiani aninaveersaarit
Annonse
Maannakkut Kalaallit Nunaata Kujataani anorersuarpoq, Qallunaat Nunaanni silasiorfik DMI malillugu anori sekundtimut meterit 50-it angullugit sakkortutigisinnaasassaaq. Narsaq, Narsarssuaq, Nanortalik kiisalu Qaqortoq annerusumik eqqugaassasorineqarput.
Taamaammat innuttaasut suliffeqarfiillu politiinit piumaffigineqarput atortut assigisinnaasaallu isumannaatsumik inisseqqullugit anorersuarmiit tingitaaqqunagit, inunnut allanullu eqqaaniittunut navianarsinnaammat.
Aammattaaq innuttaasut angallataatillit kajumissaarpagut angallatitik isumannaatsumik inisseqqullugit, kiisalu anorip sakkortunerpaaffiata nalaani aneqqunagit.