aatsitassat
Kujataani aatsitassarsiornikkut iliuuseqartoqarnissaa Sulisitsisut piumasaraat
Tanbreezip qinnuteqaataata suliarinera naassaanngitsumik kinguarsarneqarpoq, uranimullu suliniummi GME-p avatangiisinut nalunaarusiaa suli saqqummiunneqanngilaq qaammatini arfineq pingasuni suliarineqareerluni. Sulisitsisuni aatsitassanut ataatsimiititaliaq tuavisaarivoq Kommunilu Kujalleq aamma taamatut
Kalaallit Nunaanni Sulisitsisuni aatsitassanut entreprenørinullu ataatsimiititaliaq Kommunilu Kujalleq kingumut Namminersorlutik Oqartussat kujataani aatsitassanut qaqutigoortunut suliniutinut marlunnut tunngatillugu tuavisaaripput.
Greenland Minerals and Energyp Kuannersuarmi aatsitassanut qaqutigoortunut uranimullu suliniutaa Naalakkersuisuni illersorneqarpaluttutut isikkoqartoq suliassat sukkanerusumik ingerlanneqanngilaq avatangiisinullu atatillugu naliliineq qaammatit arfineq pingasut matuma siornagut nassiunneqartoq suli tusarniaassutigineqanngilaq.
Atuaruk: Greg Barnes: Aallarteriarta
Oqartussanit itigartinneqartut
Killavaallu alannguani suliniut aamma ikkarlissimagunarpoq. Australiamiu Greg Barnes 2012-imili suliffeqarfinilu Tanbreez aatsitassanik piiaanissaminut akuersissummik qinnuteqarpoq.
Naalli nalunaarusiat, tusarniaanerit, ilisimasanik allattuivik Aatsitassanullu Naalakkersuisoqarfimmit isumaqatigiinniaqattaanerit ingerlanneqareeraluartut sulilussinnartoqarsimagunarpoq tamannalu siorna uliakkut annertunerpaaminiippoq pisortanit itigartinneqarmalli. Kingornalu oqartoqaqqinngilaq.
- Isumaqarluinnarpugut kukkunissaq avataaniillu ‘aningaasaatilissuarnit’ avataaneersunit sianiinnaarneqarnissaq tupinnaannartumik ernummatigiineqartoq, taakku takkullutik nunap iluaniittunik tigusillutik, Kalaallit Nunaanni Sulisitsisunit aatsitassanut entreprenørinullu ataatsimiititaliami siulittaasoq Martin Sandy Shalmi oqarpoq.
Atuaruk: Sulisitsisut Tanbreezip itigartinneqarnera eqqumiigigaat
Martin Sandyp oqaaseqaataa tamaat AG-mi uani sapaatip-akunnerani saqqummertumi atuaruk. Aviisi uani aamma pisiarissallugu periarfissaqarputit: