Kujataani aatsitassarsiorfinnut alloriarnerit pingaarutillit
Greenland Minerals Ltd.-p Inuiaqatigiinni Piujuartussamik Iluaqutaasumik Sunniutissanik Naliliineq (VSB) nassiussimalerpaa. Nalunaarusiaq assinga Tanbreezimeersoq tuluttoortoq piareerneqarpoq.
Kujataani aatsitassarsiornermik suliniutit marluk piiaanissamut akuersissummut qinnuteqarnissamut pingaarutilimmik alloriaqqammerput.
Tassami Kuannersuarni uranisiorlunilu aatsitassanik qaqutigoortunik piiaaffissaq pillugu Greenland Minerals Ltd. maanna Inuiaqatigiinni Piujuartussamik Iluaqutaasumik Sunniutissanik Naliliineq (VSB) qallunaatut kalaallisullu nassiussimalerpaa.
Ukioq aallartilaartoq nalunaarusiap tuluttuua Inuussutissarsiornermut, Nukissiuuteqarnermut Ilisimatusarnermullu Naalakkersuisoqarfiup tiguaa, suliaruneqareermallu nalunaarutigineqarpoq kalaallisut aamma danskisut nutserneqareeruni Naalakkersuisunut saqqummiunneqarnissaa piariissasoq.
Naalakkersuisoqarfik tusagassiuutinut nalunaarummi taama allappoq.
Oqaatsini suliarineqarfigisaminni pitsaassusissalersorneqareernermigut nalunaarusiaq Naalakkersuisunut saqqummiunneqassaaq.
Tanbreezip Killavaat Alannguanni aatsitassanik qaqutigoortunik suliniuteqarfiat annertuumik aamma alloriarpoq.
Februarimi Inuussutissarsiornermut Nukissiuuteqarnermut Ilisimatusarnermullu Tassani naalakkersuisoqarfiup aatsitassarsioqatigiit Tanbreez nalunaarfigisimagaa Inuiaqatigiinnut Kingunerisaanik Nalilersuinermik nalilersuinerat kalaallisut aamma danskisut nutserneqarnera tunniunneqareerpat aatsaat Naalakkersuisunut saqqummiunneqassasoq ilanngullugu nalunaarutigissavarput.
VSB-imut nalunaarusiap saniatigut piiaanissamut akuersissummik qinnuteqarsinnaaniaraanni aamma avatangiisinut sunniutissanut naliliineq (ASN) piumasaqaataavoq.