Skip to main content

Kujataani aalisarnermik ingerlatseqatigiiffik amigartoorujussuartoq

Arctic Prime Fisheries siorna 35 mio. koruuninik amigartooruteqarpoq. Taamaakkaluartoq qullersat siunissamut isumalluarput.

Kujataani aalisarnermik ingerlatseqatigiiffimmut piginneqatigiiffiusumut Arctic Prime Fisheriesimut (APF) Qaqortumi qullersaqarfeqartumut 2020 ukioq atugarliorfioqaaq.

Ingerlatseqatigiiffiup aningaasarsiornikkut tatineqarsimaqisup ukioq amigartooruteqarluni anigorpaa. Ingerlatseqatigiiffiup kaaviiaartitaanit 198 millionit koruuniusunit akileraareernermi 35 millionit koruuninik amigartooruteqarpoq.

Ingerlatseqatigiiffiup 2020-mi angusai nunani tamalaani atuuttumit covid-19-imit sunnerneqartorujussuusut APF-imi qullersat naatsorsuutinut nassuiaatigaat.

Nappaatip nunani tamalaani tuniluuttup ilaatigut kinguneranik APF-ip aalisariutaa nutaaq, kilisaat atortorissaaqisoq Ilivileq kingusinaarujussuarami, aatsaallu ukiup affaani kingullermi aalisalerluni. Tamatuma saniatigut kilisaatip qerititsivillip Tasermiut amutsivimmiinnera qaammatinik arlalinnik sivitsorneqarami. Ingerlatseqatigiiffiup kaaviiaartitai ikileriarput, ilaatigut 2020-mut pisassiissutaasut saarulliit 3.060 tonsiusut aalisarneqanngitsoormata. Tamatuma saniatigut aalisakkat akiisa appariarnerat, aalisakkanik suliffissuarnut annaasaqaataasorujussuuvoq.      

Taamaakkaluartoq APF-imi qullersat siunissaq isumalluarfigaat. 2020-mi angusat suliffeqarfiup ukioq manna ineriartorneranut ukiunullu tulliuttunut naatsorsuutigineqartunut  sanilliunneqarsinnaanngitsut, qullersat nalunaarumminni allapput:

Oqaluttuaq tamaat uani Sermitsiami atuaruk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER