Kujataani aalisarneq piniarnerlu ajalusoortut
Coronap ajornartoortitsinera silaannaallu allanngornera Kujataani aalisarnermik piniarnermillu inuussutissarsiuteqarnerup ajalusoorneranik kinguneqarpoq – aningaasanillu ikiorsiisoqarnissaa pisariaqarluinnartoq, Nanortalimmi aalisartut piniartullu peqatigiiffiat isumaqarpoq.
Sikorsuaaruppoq aasarnissaa qallivoq. Ukiullu taamaalinera atoruminarluni piniagassaqarluarlunilu aalisagaqarluartarmat Kujataani umiatsiaararsortunit qilanaarineqartarpoq. Coronalli ajornartoortitsinera Kujataani sinerissap qanittuani aalisartunut maanna annertuumik ajornartorsiortitsivoq.
Aviisi Sermitsiaq allappoq.
Aammali silaannaap immallu kissak kiartorneranik peqquteqartumik sikorsuit puiseqarluartartut takkusimaartarnerat akuttorlunilu allanngorluinnarpoq, tamannalu piniarnermik inuussutissarsiornermut annertuumik eqquinerluppoq. Umiatsiaararsortulli kisimik eqqorneqanngillat, aammali aalisakkanut suliffissuit nunarsuarmi aalisakkat akiisa apparnerannut naleqqussarniarlutik ilungersoqaat.
– Inuuniarneq imak ilungersunartitigi lersimavoq, allaat pissutsit taamaannerat ajunaarnersuartut taaneqarsinnaalluni.
Corona eqquisoq
– Arctic Prime Fisheries Royal Greenlandi lu saarullinnik tunisinermut annertuumik killilersuipput, saarulliillu akii imak appa sitsigilersimapput, allaat saarullinniarneq imminut akilersinnaajunnaarsimalluni, Nanortalimmi aalisartut piniartullu peqatigiiffianni siulittaasoq, Ole Larsen oqarpoq.
– Nipisanniarnerlu umiatsiaararsortunut pingaarutilerujussuaq, corona ajornartoortitsinera pissutaalluni aalisakkeriviit tigusassatik naammatsimmatikkit, sivikitsuinnarmik ingerlanneqarpoq, Ole Larsen oqarpoq.
Nunarsuarlu tamakkerlugu coronap ajornartoortitsinera ilutigalugu silaannaap allanngornera Kujataani aalisarnermik piniarnermillu inuussutissarsiornermut annertuumik eqquinerluppoq.
Allaaserineqartoq aviisimi Sermitsiami tamakkiisumik atuaruk. Aviisi uani pisiarineqarsinnaavoq: