Skip to main content

Kujataamiut takornariartussarpassuarnut piareerput

Kujataa nunarsuarmi alutornarnerpaat allattorsimaffiannut ilanngunneqarsimasoq nunani allani takornariartitsisartut nalunaarput. Taavalu »taaguut« pitsaanerpaamik qanoq atorneqarsinnaanersoq apeqqutaalerpoq

Ilulissat Kangerluat UNESCO-p nunarsuarmi eriagisassatut allattorsimaffiutaanut 2004-mi ilanngunneqarnera – Issittumi sumiiffinni siullerpaatut – Kalaallit Nunaanni takornariartarfiit ornigaluarneqarnerpaanngortippaat.

Taava Kujataamiut – immaqa annikinnerusumik – Iluliarmiutut iliorsinnaanersut apeqqutaalerpoq.

Kisiannimi Kujataani kulturi aamma nunalerinerni nunatat aasaq – Polenimi Krakowimi – allattorsimaffimmut pilerigineqaqisumut nunarsuarmi alutornarnerpaatut tusaamaneqartut allattorsimaffigisaannut soorlu Kinami Qarmarsuaq, Akropolis aamma Pyramidit ilanngunneqarmata nuannattoqartorujussuuvoq.

Takornariartitsisartut aamma nunanit allanit takornariat aamma – qaammatiti pingasut qaangiutereersut – tutsiussimapput. Qanittukkut Nuummi takornariaqarnermi nittarsaassiutigaluni tuniniaasoqarnera, Vestnorden Travel Mart, soqutigineqaqaaq. Kommune Kujallermi kommunaldirektøriugallartumut Kennet Høeghimut – Visit Greenlandimi aamma siulittaasuusoq – taamatut toqqarneqarneq siunissami ungasinnerusumi pingaaruteqartorujussuusinnaavoq.

- Ilippanaatit atorluarnissaat paasigutsigit – taamaalissasugullu qularinngilara – tamanna tuniniaanermi tunngavitsialassuussaaq. Tamanna akuersinermut naqitsissutaavoq, Kenneth Høegh, oqarpoq.

Periarfissat pillugit AG-mi paasisaqarnerugit:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER