Skip to main content

Kujalleq aningaasaqarnikkut siuariartorpoq

Sipaaruteqarnikkut aaqqissuussinikkullu allannguinerit kingunerisaannik Kommune Kujalliup aningaasaqarnera pitsaanerulersinneqarpoq

Kommune Kujalliup aningaasaqarnera pitsaanerulerpasippoq.

Tamanna anguneqarpoq kommunip sipaaruteqarneratigut aaqqiissinikkullu allannguineratigut.

Taavalu aalisarneq aamma pissarsiffiusimavoq.

– Kommuni avataasiorluni aalisarnermut pisassinneqarsimavoq tulaassinissamik pisussaaffilinnik, tamannalu suliffinnik amerlanerusunik pilersitsisimavoq. Namminersorlutik Oqartussat oqaloqatigisimavagut, sanaartugassanut atugassat manna tikillugumit siammasinnerujussuarmik atorneqarnissaat sulissutigisimammassuk, tamannalu aamma suliassaqartitsininiarnikkut pitsaasumik kinguneqarsimavoq, Kommune Kujalliup borgmesteria Jørgen Wæver Johansen (S) Qanoruumut oqarpoq. (Qanorooq novembarip 26-anneersoq takuuk).

Suliffissat amerlanerulersinnaapput

Kommunip aamma taarsigassarsiami erniaasa appasinnerunissaat isumaqatigiissuteqarfigisimavaa, taarsigassarsiallu taarsersornissaannut pitsaanerusumik isumaqatigiissuteqarsimalluni.

Kiisalu kommunit akornanni naligiissaarinermik aaqqissuussinermi kommunip annertunerusumik iluaqutissarsineqarnissaa tamaviaarullugu sulissutigisimavaat.

Sinneqartooruteqarnissani naatsorsuutigaa

– Pisut tallimat ataatsimoorlutik aningaasaqarnitsinnik malunnartumik pitsaanerulersitsipput, ineriartoqqitassatsinnik.

– Sanaartornermut atugassarisat amerlanerulissapput, suliffinnillu suli amerlanerusunik pissarsiniarniarluta sulissuteqassaagut, borgmesteri KNR-mut oqarpoq.

Tamanna peqatigalugu taassuma paasissutissiissutigaa kommunalbestyrelsimut inassutigineqarsimasoq kommunip inissiaataani ineqarnermut akiliutit appartinneqarnissaat. Jørgen Wæver Johansenip neriuutigaa ineqarnermut akiliutit appartinneqarnissaat januaarimit atuutilersussatut kommunalbestyrelsip akuersissutigineqassasoq.

Kommuni 2016-imi 18 millioner koruuninik sinneqartooruteqassamaarpoq.

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER