Kuannersuit: Aningaasanik taarsiissuteqarnissaq ersernerluttoq
Naalakkersuisut Kuannersuarnut pilersaarutitpillugit suliaqarnertik naalakkersuisoqarfimmitinnersuussutigineqartut naapertorlugit juunimitaamaatissagaat naatsorsuutigineqarpoq.Aatsitassarsiortitseqatigiiffiup pilersaarummiksuliaqartuusup milliardikkaanik taarsiiffigineqarnissanipiumasaraa, ajorsaraluarunili eqqartuussivilersuussinermutaningaasartuutinik akiliiumanani.
Transition Energy Mineralsip (siornatigut Greenland Mineralsiusimasup) isumaqatigiissitsiniartarfik suli oqaaseqartinniarsaraa, Kuannersuarni pilersaarutertik urani pillugu inatsimmut, decembarimi 2021-mi akuersissutigineqartumut ilaannginneranik uppernarsaatinniarsaralugu. Tamatuma saniatigut piiaasinnaanissaminnut qinnuteqaatimik suliarineqarnissaa ilungersuutigaat. Tamatumali suliarineqarnera qanittukkut unitsinneqassagunarpoq, tassami Naalakkersuisut aatsitassanut naalakkersuisoqarfimmit innersuussutigineqartup, tassa pilersaarutip unitsinneqarnissaanik innersuussutigineqartoq malinniarlugu naaatsorsuutigimmassuk.
Aviisi Sermitsiaq taama allaaserisaqarpoq.
– Naalakkersuisoqarfimmit innersuussutigineqarpoq, pilersaarut unitsinneqassasoq, tamatumanimi uranimik ujaasinissamut piiaanissamullu inatsimmi piumasaqaatigineqartunut naammassinninngimmat. Juuni naatinnagu Naalakkersuisut nalunaaruteqarnissaat naatsorsuutigaarput, aatsitassanut Naalakkersuisoqarfimmi pisortaq Jørgen Hammeken-Holm oqarpoq.
Taarsiiffigineqarnissamut piumasaqaatinut erseqqissaat
Piffissami kingullermi Danmarkimi tusagassiorfiit Politikenip aamma Danwacthip taarsiiffigineqarnissamut piumasaqaat pillugu allaaserisat saqqummiuppaat, tassanilu allassimalluni Energy Transition Mineralsimit Namminersorlutik Oqartussanut Danmarkimilu naalagaaffimmut taarsiiffigeqqulluni piumasaqaatit 15 milliardit koruuniussasut.
Tamanna eqqoqqissaanngilaq. Aningaasat taaneqartut 15 milliardiusut aallaaveqarput Naalagaaffiup eqqartuussissuserisuata nittartagaani siorna oktobarimi allaaserisamit, tassani allassimagami aatsitassarsiortitseqatigiiffiup »isumaqatigiissitsiniarneq aallartissimagaa, saffiugassanik piiaanissaminut akuerineqarnissani siunnerfigalugu, tamannalu pisinnaanngippat, piiaaffissatut pilersaarutip nalinganik taarsiiffigeqqulluni piumasaqarniarluni. Aatsitassarsiortitseqatigiiffiup piiaaffissatut pilersaarutip nalinga naatsorsorallarsimavaa, taamalu taarsiissutissatut piumasaqaatissani 15 milliardit koruunit missaannut naatsorsorallarsimallugu.«
Naalagaaffiup eqqartuussissuserisuata Sermitsiamut erseqqissarpaa, kisitsimmi aallaavigineqartoq tassaasoq aatsitassarsiortitseqatigiiffiup isumaqatigiissitsiniarnissamut naammagittaalliuutitut allagaqaataa, aamma taanna Naalagaaffiup eqqartuussissuserisuaneersuunngitsoq. Tamatuma saniatigut kisitsisit ajoraluartumik eqqortumik oqaatigineqarsimanngillat, tassami Naalagaaffiup Eqqartuussissuserisuata kukkunermigut Australiamiut dollarii naatsorsuinermini tunngavigisimammagit, Amerikamiut dollarii pinnagit, naak taakku aallaavigineqartussaagaluartut. Taamaattumik allaqqasussaq tassaagaluarpoq 20 milliardit koruunit, 15 milliardit koruuniunngitsut, matumanimi pineqarmata Amerikamiut dollarii 3 milliardit.
Allaaserisaq tamaat Sermitsiami uani sapaatip-akunnerani saqqummertumi atuaruk. Uani isissutissarsigit:
