Skip to main content

Kuannersuit pillugit innuttaasunik ataatsimiisitsinissaq kinguartinneqartoq

Namminersorlutik Oqartussat sapaatip akunnerani kingullermi nalunaarutigaat, Kuannersuarni aatsitassarsiornissaq pillugu innuttaasut januaarip 22-aniit 26-anut ataatsimiisinneqassasut. Inuilli Danmarkimiit Kalaallit Nunaannut piaarnerpaamik angerlartinneqarnissaat pillugu periusissiaq nutaaq pissutigalugu ataatsimiisitsinissat februaarip qaammataanut kinguartinneqarsimapput.

Inuppassuit januaarip 22-at tikillugu Danmarkimit angerlartinneqarnerannut atatillugu aarlerinartoqarpallaarnera pissutigalugu, Namminersorlutik Oqartussat Kuannersuarni aatsitassarsiornissaq pillugu innuttaasunik pilersaarutaasutut ataatsimiisitsisinnaanngillat.

Taamaammat ataatsimiisitsinissat februaarip aallartinneranut kinguartinneqarput, taamanikkussamut angerlartinneqartut tamarmik tikereersimalerpata februaarillu qaammataata aallartinnerani misissoqqinneqareersimalerpata tuniluuttoqalersinnaaneranut aarlerinaat minnerulersimasussaammat. 

Februaarip qaammataata naanissaanut katersuuteqqusinnginneq tikittoqaqqusaannginnerlu pillugit maanna malittarisassat eqqarsaatigalugit ataatsimiisitsinerit ingerlanneqassapput.

Taamaammat ilisimasallit soqutiginnittullu nunanit allaneersut kommuniniillu allaneersut ataatsimiinnernut peqataasinnaanngillat.

Innuttaasunik ataatsimiisitsinissamut ulluliussat nutaat

Namminersorlutik Oqartussanit ilisimatitsissutigineqarpoq, COVID-19-p atuunnerata nalaani katersuuttarnernut maleruagassat malittarisassallu atuuttut pilersaarummut tunngavissaatinneqartut. Taamaattumik piffissaq sumiiffillu allanngorsinnaassasut.

Innuttaasut suliassamik saqqummiussivigineqarnissamik, tamatumalu kingorna suliassamik piginnittumut, oqartussanut aammalu aatsitassanut suliassaqarfimmi immikkut ilisimasalinnut arlaannaannulluunniit attuumassuteqanngitsunut apeqquteqarnissamut, nalunaarutiminnik tunniussinissamut il.il. periarfissinneqarnissaat siunertaralugu ataatsimiisitsinissat aaqqissuunneqarsimapput.

Ataatsimiisitsinerni Naalakkersuisut pingasut peqataassapput.

Naalakkersuisut Siulittaasuat Kim Kielsen, Inuussutissarsiornermut Aatsitassanullu Naalakkersuisoq Jens-Frederik Nielsen aamma Suliffeqarnermut, Ilisimatusarnermut Avatangiisinullu Naalakkersuisoq Jess Svane.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER