Skip to main content

Kuannersuarni suliniummut suliamik ingerlatsineq ingerlaannarpoq

Kuannersuarni suliniut pillugu tusarniaanerup juunip 1-anut killeqartup sivitsorneqarnissaa naatsorsuutigineqarpoq, politikerit innuttaasunik ataatsimiititsinernut peqataanissartik angumeriniassammassuk, ataatsimullu isigalugu Kuannersuarnut suliamik ingerlatsineq inatsit naapertorlugit ingerlassasoq, naalakkersuisoqarfimmit oqaatigineqarpoq.

Kuannersuarni suliniut politikkimik pissuteqartumit ullormiit ullormut unitsinneqarsinnaanngilaq. Suliamik ingerlatsivigineqarnera Aatsitassanut inatsit immikkullu atugassarititaasut aatsitassarsioqatigiiffinnut tunniunneqarsimasut naapertorlugit ingerlaannassaaq. 

Tamanna ilaatigut isumaqarpoq, Kujataa piffissap tusarniaassuteqarfiusup iluani politikerinit akisussaasunit, Narsami innuttaasumit sioorasaarisoqarnera pissutigalugu februaarimi innuttaasunik ataatsimiititsinernut peqataanngitsunit, tikeraarneqassasoq, Sermitsiaq allappoq.

– Tusarniaanermik suliap naannginnerani Kujataani tusarniaanermut atatillugu ataatsimiititsinernut peqataasimanissarput naatsorsuutigaarput. Isumagisassat suliassallut tamaasa inisseqqaassagutsigit imaassinnaavoq aallarnissarput angumerinngitsooripput, taamaattumik piffissap tusarniaassuteqarfiusup minnerpaamik qaammammik ataatsimik sivitsornissaa aamma naatsorsuutigaarput, Naaja Nathanielsenip aatsitassanut naalakkersuisoqarfiani pisortaq, Jørgen Hammeken-Holm, oqarpoq.

Ataatsimiinnernut tamanut peqataanissaq

Tamatuma saniatigut naalakkersuisoqarfimmit aamma uppernarsarneqarpoq, suliniutip suliamik ingerlatsivigineqarnera naammassillugu suliarineqassasoq, tassa imaappoq tusarniaanermut akissutit, tamatuma malitsigisaanik VVM-imik VSB-millu nutarterinerit, tunngavigalugit nalunaarusiortoqassasoq, aatsaallu tamanna pereerpat Greenland Minerals piiaanissamut akuersissuteqarfigineqassanersoq itigartinneqassanersorluunniit Naalakkersuisut inaarutaasumik isummerfigissagaat.

Greenland Mineralsip pisortaa, Australiamiu John Mair, Sermitsiamut naatsumik allappoq, tusarniaanermik suliap aaqqissuunnissaa, tassungalu ilanngullugit innuttaasunik ataatsimiititsinernut atatillugu aalajangiinerit, Naalakkersuisut akisussaaffigigaat.

– Greenland Minerals tusarniaanermik suliami ataatsimiinnernut tamanut suli peqataasassaaq, John Mair allappoq.

Allaaserineqartoq aviisimi Sermitsiami tamakkiisumik atuaruk. Aviisi uani pisiarineqarsinnaavoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER