Skip to main content

Kuannersuarni pilersaarut isornartorsiorneqartoq

Canadamiup mineralinik qaqutigoortunik immikkut ilisimasallip Greenland Mineralsip Kuannersuarni pilersaarutaa sakkortuumik isornartorsiorpaa. Taassuma ilaatigut apeqqutigaa radiup qinngulaneranik akulik thorium sumut inissinniarneqarnersoq. Aatsitassarsiortitseqatigiiffiup isornartorsiuinerit tamaasa ilumuunnginnerarpai teknikikkullu misissueqqissaarnerit tunuliaqutaasut innersuussutigalugit.

Anton Chakhmouradianip, Manitoba Universitymi ujarassiuutut professoriusup, Greenland Mineralsip Kuannersuarni mineralinik qaqutigoortunik piiaanissaminik pilersaarutaanut qularutiginnippoq, tassa pilersaarummut tunngasut, tamanut tusarniaassutigineqartut atuareerlugit.

Tamanna Radio Canada Internationalip ilanngutassiaani atuarneqarsinnaavoq, tamatumalu kingorna ”Eye on the Arctic”-imi saqqummersinneqarluni, aviisi Sermitsiaq taama allappoq.

Anton Chakhmouradian mineralinik qaqutigoortunik piiaanissanut pilersaarutinut Canadami ilisimatuutut misissuisarnerni siuttuuvoq. Taassuma aamma Kujataani mineralinik qaqutigoortunik piiaanissamut pilersaarutini teknikikkut paasissutissanut tunngasunut ammanerusumik periaaseqarnissaq siusinnerusukkut maani Sermitsiami kajumissaarutigisarpaa.

Paasissutissat tunuliaqutaasut misissoreerlugit maanna isornartorsiorpaa, oqaatigalugulu minerali Steenstrupin, radiup qinngulaneranik thoriumimik akulik pillugu paasissutissanik, Avatangiisinut sunniutinik naliliinermi amigaateqartoq. Professor Chakhmouradian aamma isumaqarpoq, aatsitassarsiortitseqatigiiffiup nalunaarsugai tunngavigalugit thorium 3.000 tonsiusoq pineqartoq.

Aviisimi Sermitsiami atuanerusinnaavutit. Aviisi uani pissarsiariuk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER