Krusep siulittaasutut sassarnissani suli isumaliutigaa
Siumup politikkikkut oqaaseqartartuata Karl-Kristian Krusep partiimi siulittaasutut sassassanerluni piffissami ungasinngitsumi nalunaarutigissavaa
Annonse
- Siumumi siulittaasutut sassarnissara suli isumaliutigaara.
Karl-Kristian Kruse Sermitsiaq.AG-mut oqarpoq.
Taamaasilluni Erik Jensen kisiartaalluni suli pisortatigoortumik Siumumi siulittaasutut qinigassanngortittuuvoq.
Kim Kielsenip siulittaasutut qinigassanngorteqqissasoq Sermitsiaq.AG-ip paasivaa, tamanna ulluni tulliuttuni nalunaarutigineqarnissaa naatsorsuutigineqarpoq.
Piffissami aggersumi nalunaaruteqassaaq
Karl-Kristian Krusep sassarnissani suli isumaliutigaa, taanna ukioq kingulleq Sermitsiaq.AG-imit apersorneqarnermini oqaatigaa siulittaasutut sassarnissani isumaliutigalugu.
- Ilaquttakka soorunami isumaliorninnut pingaartinnersaavakka. Kisianni piffissami aggersumi, qanittumi, avammut nalunaaruteqarumaarpunga, oqarpoq.