Skip to main content

Krusep Grønlandsbanken kamaakkaa

Siumut oqaaseqartartuata Karl Kristian Krusep Grønlandsbankenip umiatsiaararsorlutik aalisartunut aningaasaliisarunnaarnissamik aalajangernera ”politikkikkut akulerunnertut" aamma ”inuaqatigiinni naligiimmik pineqarnissamut anguniakkanik unioqqutitsinertut” taavaa

Grønlandsbankenip aalisakkanut ikittunnguanut aalisartoqarpallaannera aamma aalisakkat aningaasaqarnerlu eqqarsaatigalugit nungusaataanngitsumik ingerlatsisoqannginnera pissutigalugit umiatsiaararsorlutik aalisartunut aningaasaleeqqinniarani aalajangernera, nunami partiit annersaanni siulittaasup tulliata politikkikkullu oqaaseqartartuata kamaatigaa.

Karl Kristian Kruse tusagassiorfinnut nalunaaruteqarnermini allappoq:

- Siumumiit erseqqissaatigissavarput nunatsinni innuttaasut naligiimmik pineqarnissaat, sullinneqarnissaat periarfissaqarnissaallu siumumit pingaartilluinnaratsigu tunngavigalugulu, taamaammat innuiaqatigiinni gruppit aalajangersimasut aningaaseriveqarnikkut periarfissaasa mattunneqarnerat inuiaqatigiinnut naligiimmik pinninnissamut naapertuutinngilluinnarpoq.

Kinguneqaatissat

- Umiatsiaararsortut aningaaserivimmiit nattunneqarnerisa kingunerisinnaasai inuiaqatigiinnut annertuumik sunniuteqartussat arlaqarput, pingaarnerpaarli tassaalluni, siunissami aalisarnikkut aaqqissuusseqqinnermi nalilersuinermi tunngaviusut ilaat, tassa sinerissami aalisarneq, matumani annertuumi eqqorneqarmat. Minnerunngitsumik nunamut suliffissuarnut tulaassisussaatitaaneq eqqarsaatigalugu.

Politikkikkulli oqaaseqartartoq allakkami aningaaseriviup umiatsiaararsortut mattussimagai paatsoorsimavoq. Akerlianimmi matumani pineqarpoq, aningaaseriviup pissutsit maannatut atuutsillugit aalisartut siunissami aningaasaliiffigeqqinnianngikkai.

Siunertamut naapertuutinngitsoq

-Aammalu umiatsisaararsorlutik aalisartut aalisariuteqarnikkut namminneerlutik nutarterinissamut bankimiit mattunneqarnerisa kingunerissavaa, nunatsinni aalisarnermi ingerlatseqatigiiffissuit anginerit, aamma tunisassiornermi ingerlatsiviusut, umiatsiaararsortunut umiatsiaqartitsillutik aalisariuteqartitsinerisa annertusinerannik. Tamanna eqqarsartariaatitsinnut naapertuutinngilluinnarpoq, tassami peqareersoq peqarnerulissaaq peqannginnerusorlu peerukkaluttuinnassalluni, Kruse allappoq nangillunilu:

Siumumiit pingaartittuaannarparput qulakkeersimassallugu inuinaqatigiinni aalasarnermik inuussutissarsiuteqarnermi inuit sapinngisamik amerlanerpaat periarfissaqarnissaat, matumalu mattussinerup kingunerissavaa inuiaqatigiit pisuussutaasa inunnik ikiligaluttuinnartunit iluanaarutaanerat, Karl-Kristian Kruse, umiatsiaararsorlutik aalisartut amerlavallaarnerisigut inunnut ataasiakkaanut iluanaarutaannginnissaanut isummerani allappoq.

Banknordik nersualaarneqartoq

Karl Kristian Krusep naggasiilluni Grønlandsbanken aalajangiinerminik nalilersueqqissasoq kaammatoorpaa. Peqatigitillugu BankNordik “inuiaqatigiit ataatsimut isigalugit naligiittullu isigalugit ingerlatsinerarlugu” nersualaarpaa.

Læs hele sagen:

  1. Aningaaseriviup umiatsiaararsorlutik aalisartunut aningaasaliinini tamaasa unitsippai
  2. Politikkikkut siunnerfik nutaaq pisariaqarpoq
  3. Jollefiskerne kommer på udvalgsdagsorden
  4. Umiatsiaararsorlutik aalisartut ataatsimiititaliami oqaluuserineqartussanngortut
  5. KNAPK sinerissamut qanittumi aalisarneq pillugu iliuusissatut pilersaarusioqqusisoq
  6. Banknordik umiatsiaararsorlutik aalisartunut ikiuisarnerminik ingerlatsiinnarniartoq
  7. Aningaaseriviup aalisarneq pimoorunneqartoq erseqqissaatigaa
  8. Maanna iliuuseqartoqassaaq
  9. Naalakkersuisut umiatsiaararsorlutik aalisartut aningaasatigut ikiorserniarpaat?
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER