Skip to main content

Kruse: Kielsen qineqqissavara

Siumumi siulittaasup tulliata, Karl Kristian Krusep partiip siulittaasua Kim Kielsen tapersersorlugu nalunaarutigaa.

Karl Kristian Kruse piffissami sivitsortumi eqqarsaatersoreerluni maanna nalunaarpoq partii septemberip sisamaanit arfernata tungaanut ataatsimeersualerpat, siulittaasunngorniuttuni sassaqataassanani.

- Maannamut eqqarsaatikkut sassarsinnaaneq eqqarsaatigisarsimallungu
piareersakannertarsimallungulu misigivunga piareersimananga, tusagassiorfinnut nalunaaruteqarluni allappoq.

Partiip siulittaasuata tulliata, siulittaasunngorniartut Kim Kielsen, Erik Jensen, Vivian Motzfeldtilu politikkikkut sulilluarnerat pillugu nersualaarpai. Kielsenili tassaavoq Krusep tapersersugaa:

- Tamaasali taasinnaanngilakka taamaattumik qanorluunniit inississangaluarpata maannakkut siulittaasoq qineqqissavara, Karl Kristian Kruse ilisimatitsivoq.

- Siulittaasorlu isummavut assigiittanngikkaluit, angusaqarfiugaarsimapput
sulisuvut pikkorissut qinigaaqativullu peqatigalugit amerlanerit isummernerannik tunngavilerneqartartut.

Pissutsit nutaat

Taassuma isertuutinngilaa partiimi siulittaasuulerumaartussap atugassarititaasut allarluinnaat tunngavigalugit partii ingerlattussanngorumaaraa. Ineqarnikkut, aningaasarsiornikkut, inuussutissarsiornikkut, soraarnerussutisiaqalersimasunut akileraartarnermullu tunngasutigut politikkikkut suliassat suli amerlapput.

Karl Kristian Kruse Siumumi siulittaasup tulliatut 2017-imi qinerneqarpoq. Sermitsiaq.AG-mut ilisimatitsivoq partiip siulittaasuanik qinersinerup inernera apeqqutaatillugu siulittaasup tulliatut ingerlaqqinniarnissaminik isumaliutersuuteqarumaarluni.

- Politikkikkut suliani akisussaaffimmik annertuumik maanna tigummiaqarpunga. Partiimi ilaasortat allatut ingerlajumallutik allamik toqqaassappata, tamanna ataqqiumaarpara. Illuatungaatigulli siunnerfik attanneqaannarnissaanik taasissappata, tamassuma inernissaa aamma nalunarumaanngilaq, Sermitsiaq.AG-mut oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER