Skip to main content

Kruse: Naalakkersuisuunera atornerlunngilara

Illuatungiliuttut aalisarnermut naalakkersuisoq tunuassasoq piumasaraat, tatiginannginnera pissutigalugu

Tallimanngornerup siuliani kukkunersiuisartut nalunaarusiami saqqummiussaanni Karl-Kristian Kruse (S) ukioq manna avaleraasartuunik pisassiinermi toqqaannartumik attuumassuteqannginneranik qularnarunnaarsitsivoq.

Pisassiissutinik agguaaneq attuumassuteqarpallaarnermik peqquteqartumik tunuarneranik kinguneqartoq.

Atuaruk: KNAPK: Avaleraasartuunik suliaq suli isornartoq

Tassani pineqarpoq, naalakkersuisut siulittaasuata, Kim Kielsenip (S), Krusep aamma Siumup allattaa, Mikael Petersenip tunisassiorfiutigisimasaat KNT avaleraasartoortassanik 40 millioninik nalilinnik tunisinera.

Aalisartut ernumapput
Deloittemit ingerlatsinermut kukkunersiuineq isornartorsiunngitsuunngilaq, aamma ullumikkut ataasinngornermi politikerit marluk illuatungiiuttuninngaanneersut nalunaarusiap atuareernerata kingorna, Karl-Kristian Kruse naalakkersuisunut ilaasortaanissaminut tatiginanngitsoq isumaqarput.

Inatsisartuni ilaasortat Ane Hansen (IA) aamma Hans Enoksen (PN) Nuuk TV-mi ilanngutassiami sakkortuumik isornartorsiuipput.

Taakku politikerit oqarput, aalisartunit ernumasunit saaffigineqartarsimallutik, taakku tamanut oqaaseqarnissartik ernummatigaat siunissami pisassinngitsoorneqarnermik kinguneqaqinammat.

Ajortuliunnginnerartoq
Kruse nammineq oqarpoq, tv-ikkut ilanngutassiamut isornartorsiuisumut tunngatillugu saaffigineqarsimanani, taanna ilanngutassiaq tamaat uani takuuk.

Nuuk TV-mi takuuk: Kammalaatini pisassanik tunivaa

Qularnanngilarli Krusep ileqquliussimavaa tusagassiorfinnik apersorneqarnissani akuerinninngittarnera. Amerlanertigut ulapinnini peqqutiliuttarlugu.

Ataasinngornermi ualikkut aalisarnermut naalakkersuisoq tusagassiuutinut nalunaarummini pisuussuteqannginnerarpoq.

- Naqissuserlugu erseqqissarusuppara aalisarnermik inuussutissarsiortut ilaat nammineerlungalu qanigisama arlaannaalluunniit salliutinniarlugit periar-fissarsiuussisimannginnama. Ingerlatsinermut kukkunersiuisut, arlanulluunniit attuumassuteqanngitsut, kukkunersiuinerminni taama aamma erseqqissaassuteqarput, Kruse allappoq, aammalu erseqqissaalluni KNT pisassiinermut periutsimut naapertuuttoq.

Nunaqartunit piginnittullit qitiusut
Ilanngutassiami saqqummiunniarneqarpoq agguaassinissamut tunngavigineqartussat suliarineqarmata KNT salliutitassatut periarfissiuussimagiga. Eqqortorli tamanit ilisimaneqartoq tassaavoq qinnuteqaateqartunut namminneerlutik umiarsuaateqanngitsunut periusissaq, soorlu KNT-mut aamma atuuttuusimasumut tassaammat, periuseq siornamiit ingerlateqqitaaginnartuummat atuuttooreersoq.

Atuaruk: Siunnersortit: Avaleraasartoortassiineq ajunngitsumik ingerlasimavoq

- Periusissatut tunngavigineqartoq sinerissap qanittuani aalisarsinnaanermut akuersissuteqartunit tunngavilersuiffigineqarnissaa KNAPK-mit kissaatigineqartoq naapertorlugu suliaavoq. Naalakkersuisut sinerissap qanittuani aalisartunut amerlanerpaanut avaleraasartoorniarnermi aalisarnermi peqataatitsisoqarnissaa siunertaralugu aalajangiunneqarluni, Karl-Kristian Kruse aamma Aalisarnermut Naalakkersuisoqarfik taama allapput.

Ingerlatsinermut kukkunersiuineq uani atuaruk
Krusep aamma tikkuarpaa tamannarpiaq tunngavigalugu Halibut Greenland Pelagic aamma pisassinneqarneranut tunngaviusoq, naalakkersuisoqarfiatalu aamma Kim Kielsenip avaleraasartuunut qinnuteqarfissaq qaangiutinngitsoq qinnuteqaatit suliarilersimanngikkitik.

Deloittep ingerlatsinermik kukkunersiuilluni misissuinera atuarusukkukku, nalunaarusiaq Naalakkersiuisut tamanut atuarneqarsinnaanngorlugu uunga inissippaat.

Nalunaarusiaq atuaruk: Ingerlatsinermik kukkunersiuilluni misissuineq 2015-imi avaleraasartuunit pisassiissutit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER