Skip to main content

Kronik: Qallunaat sanasut nunasiaateqartutut pissusilersorput

Mie Laugesen Aasianni ilinniarnertuunngorniarfimmi ilinniartitsisuuvoq. Taassuma qatsulluinnarpaa qallunaat sanasut nunatsinnut tikikkaangamik nunasiaateqartutut pissusilersortarneri, iliuuserisamillu kinguneri akisussaaffiginnguarnagit aallaqqittarneri.

- Aasiannut, Kalaallit Nunaata kitaaniittumut, nuullunga ilinniarnertuunngorniarfimmi ilinniartitsusutut atorfinikkama illoqarfimmi sanasut qallunaat ilisarisimalerpakka. Angutit aalajangersimalluinnartumik iliuuseqartuupput, Kalaallit Nunaannilu qanorsuarluunniit iliorsinnaanertik pillugu imminnut tapersersoqatigiittuullutik. Kinguneri eqqarsaatiginnguarnagit aallaannarsinnaasutut pissuseqarput.

Mie Laugesen, Aasianni ilinniarnertuunngorniarfimmi ilinniartitsoq, nutaarsiassaqartitsivimmi Information.dk-mi kronikkimini taama allappoq. Pissutsit nassuiagai 1970-ikkunnili pisimasuunngillat. Pissutsilli maannakkorpiaq atuuttut oqaluttuarai.

Mie Laugesenip ilisimalluinnarpaa taama isummersuuteqarnini inuiaqatigiinni oqallitsitsilersinnaasoq. Aarlerinartoqarsinnaagaluartorli oqallitsitsiumalluni, Sermitsiaq.AG-mut oqarpoq.

Kunngit niaqoruserneqanngitsut

Informationimi isummersuutimini Mie Laugesenip nassuiarpaa sanaartortitsinissamik pisariaqartitsisoqarnerani sanasut tikisat amerlalluinnartartut. Taakku ilaat inuiaqatigiinni pissutsinnut malinnillutik inooqataalersarput. Allalli amerlalluinnartut kunngisut niaqoruteqanngiinnartutut pissusilersortartut, Mie isumaqarpoq.

- Amerlalluinnartut nunasiaammi naalakkatut pissusilersortarput ernumassuteqanngilluinnarlutillu iluanaarutigisinnaasatik tigusarlugit. Iluanaarutissat annerpaattut isigineqarput kalaallit arnartaat. Illersuuteqaratik atoqateqartarput, kinguaassiuutitigut nappaatipalaanik siammartereqataasarput, naartulersitsisarput, immiaaqqanik pillertarput soqutiginnissuseqarluarlutillu, kingornali aallaannapajuttarlutik, ilinniarnertuunngorniarfimmi ilinniartitsisoq nassuiaavoq. 

Niviarsianut kingunerit

Avannaani arnat inuusuttunnguit 17-inik ukioqaannarlutik Aasianni Ilinniarnertuunngorniarfimmi ilinnialersarput. Ilinniarnertuunngorniarfimmi ilinniartitsisup arnat inuusuttut asannilerluinnarsimallutik nuannaartut naammattoortarpai, kingorna atuanngikulanerulersarput nuannaassaarutivittarlutillu. Kinguniperluutillu annerpaartaat tassaasinnaavoq arnat inuusuttut ilinniakkaminnik unitsitsiinnartut, Mie Laugesen oqaluttuarpoq.

- Ilinniarnertuunngorniarfimmi ilinnialersut inuunerminni nutaarluinnarmik aallartitsisarput, amerlanerpaartaat angerlarsimaffitsik qimallugu aallarlutik ilinniariartortuusarput. Nammineernissamik ilinnialersarput, nalinginnaasuulluinnarporlu killissaminnik aamma ilinnialertarneri. Aallarluni allamik misigisaqarneranni angutit qallunaat utoqqasaat imminnullusooq qaaqqusutut ilaalersarput, Mie Laugesen allappoq.

Taassuma erseqqissarpaa arnat inuusuttut arlaannaatigulluunniit pisuutinnagit, kisiannili pissutsit taamaatsillugit angutit qallunaat arnanik inuusuttunik atornerluinerat ajorluinnartuusoq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER