Skip to main content

Kronikki: Nungusaataanngitsumik puisinniarneq - uuliasiornissaq puiguinnarli

KNAPK-mit Leif Fontaine WWF-imiillu Gitte Seeberg ataatsimoorlutik aviisimut Politikenimut kronikkiliorput

Nunatsinni puisinniartarneq pillugu Christiansborgimi tusarniaassutigineqarnera Kalaallit Nunaat tunngatillugu ataatsimiititaliap aaqqissugaanut atatillugu KNAPK-p siulittaasuata aappaa Leif Fontaine Verdensnaturfondenimiillu Gitte Seeberg ataatsimut aviisimut Politikenimut kronikkiliorput. 

Allakkaminni ilaatigut ima oqarput:

- Kalaallit Nunaat uuliasiussanngilaq. Kalaallit Nunaat uranitalinnik aatsitassarsiortariaqanngilaq. Kalaallit Nunaat aatsitassarsiorfittaartariaqanngilaq. Kalaallit Nunaat aarfanniassanngilaq. Kalaallit Nunaat puisinniassanngilaq. Kalaallit Nunaat unittuuginnartariaqarpoq. Kalaallit Nunaat arlaannik pilersaaruteqalerpat nunarsuarmioqatigiinnit isorineqartuarpoq. Soorlu tassa nuna kusanartorsuaq ineriartorfiusinnaanngitsoq. Soorlu aamma kalaallit iliuuserisartakkatik aallussinnaanngikkaat, immamimi miluumasut attoqqusaanngilaat. 

- Soorlumi pitsaanerussagaluartoq kalaallit uninngaannarlutik qimerluuginnartuuppata. Tamanna eqqarsartaaseq marloqiusamik isumaqarneruvoq akuersaarneqarsinnaanngitsoq, KNAPK-mit WWF-imiillu isumaqarpugut. 

Paasissutissiinerit annertuut
Leif Fontaine Gitte Seebergilu marluullutik isumaqarput Kalaallit Nunaat ineriartornissamut pisinnaatitaaffeqartoq, nunami namminermi pigisat atorluarsinnaasariaqaraallu. Tamannalu nungusaataanngitsumik ingerlanneqassasoq oqaatigalugu. Nuna siunissamut qajannaarneqarniassammat, ineriartornerlu Kalaallit Nunaannut iluaqutaalluni. 

- Puisit amiinik EU-mut eqqusseqqusiunnaarnerup allanngortinneqarnissaa politikkerit sukataarutigisariaqaraat isumaqatigiissutigaarput, naggueqatigiinnummi inunnut inatsit eqquinerluttuuvoq. Paasititsiniaasoqartariaqarpoq annertuumik EU-p akiligaanik, kiisalu paasitinneqartariaqarluni nungusaataanngitsumik puisinniartoqartartoq kiisalu puisinniarneq ileqqorissaarpalunngitsutut isigineqartarnera allanngortittariaqarluni. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER