Skip to main content

Kristian Mørch toqukkut qimaguttoq

Biskoppi soraarneq Kristian Mørch 87-inik ukioqarluni toqukkut qimaguppoq. KNR allappoq.

Biskoppi soraarneq Kristian Mørch 87-inik ukioqarluni toqukkut qimaguppoq. KNR allappoq.

Kristian Mørch 1994-mi palasinit ilagiillu siinniisaannit qinerneqarlunilu Nunatsinni siullersaallun biskoppinngorpoq.

Ukiup siuliani Nunarput nammineerisaminik biskoppeqarfittaarsimavoq, siornatigut Købavn Stiftimut atasimangaluarluni. Palaseqarfinnut attaveqatigiinneq ingerlatiinnarumallugu vicebiskoppimik atorfinititsisoqarsimavoq.

Atorfillu taanna Kristian Mørchip  1984-miik biskoppinngortinneqarnissami tungaanut atorfigisimavaa.

Kristian Mørch Uummannap pigisaani Ukkusissani 1930-mi inunngorsimavoq. Taanna Danmarkimi 1958-mi teologiimut misilitsippoq, misilitsereernermilu kingorna ingerlaanna Nunatsinnut uterpoq, palaseqarfiillu arlallit suliffigisimallugit.

Kalaallit ilinniakkaminnik naammassinnikkaangamik Nunatsinnut angerlarlutik ineriartortitseqataanissaq taassuma pingaatitaasa ilagaat. Kristeligt Dagbladillu allaatigisaa malillugu taanna qallunaat arnataanik Nunatsinnut nuunnissamik siunertaqanngippata katinneqannginnissaannik siunnersuisimavoq.

Biksoppitulli atorfeqarnermi nalanaali Kalaalilt nammineerisaminnik oqaluffiliornissaat pingaartitarisimavaa.

- Ilagiit naalagaaffiup tapersersugai illersugassaraagut. Taamaattoq kinaassuserput oqaluffeqarnikkut aamma takusinnaasariaqarlutigu. Siunissami naalagiartitsinerni kalaallisut ilanngutassiat saqqummillattaalerumaartut, isumaqarpunga. Ilanngutassiat ileqqunut ileqquliunneqarsimasunulli tunngassuteqartut, taanna, taamani Kristeligt Dagblad aallaavigalugu oqarpoq.

Kristian Mørch soraarninngornermi kingorna nulianilu Elisabeth Ilulissanut nuupput.

Kristeligt Dagbladip allaaserisimasaa aallaavigalugu taanna matoqqasuuvoq, anneruniartuunanilu nipaatsuulluni, taamaattoq oqalukkaangami oqaatigisai isumapilorujussuusarlutik.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER