Kristian Jeremiassen: Qasigiannguani inuerussaaneq aallartippa?

Kommune Qeqertalimmi kommunalbestyrelsimut ilaasortap Kristian Jeremiassenip, Qasigiannguani illoqarfiup inuerussarneqarnerata aallartinneqarsimanera ernumassutigaa. Taassumami oqarnera naapertorlugu illut arfinillit iluarsartuunneqarnianngillat.

Kommunalbestyrelsimut ilaasortap Kristian Jeremiassenip Qasigiannguani qanoq pisoqarniarnersoq erseqqissumik akissuteqarfiginissaa kissaatigaa.

Qasigiannguani illut arfinillit, ’illut 71’-inik taagorneqartut inoqanngillat, Kommune Qeqertalimmilu kommunalbestyrelsimut ilaasortap Kristian Jeremiassenip (IA) oqarnera naapertorlugu illut isaterneqartussaapput.

Qasigiannguani inuerussaanerup aallartinneranut tamanna takussutissaasoq, Kristian Jeremiassen oqarpoq.

- Illut taakku arfinillit isaterneqareerpata, illuni nutaanik sanaartortoqassanersoq paasisaqarnikuunngilagut. Taamaattumik inuerussaasoqarsoralugu innuttaasut akornanni ernumassuteqartoqarpoq, taanna Sermitsiaq.AG-mut oqarpoq.

Illut taakku arfinillit isaterneqartussaasut Kristian Jeremiassenip tusarsimavaa, eqqakkanut aqqutaat ajortissimanerat pissutigalugu.

Akisoqanngitsoq

Kristian Jeremiassenip inissiaatileqatigiiffik Ini, nammineerlun februaarip aallaqqaataani aperisimavaa, apeqqutigalugulu inissianik nutaanik sanaartortoqassanersoq. Ineqarnermut Naalakkersuisoqarfimmut attaveqarnissaa innersuussutigineqarsimavoq.

- Ajoraluartumik Naalakkersuisoqarfimmit akineqanngilanga, tamannalu uggornarpoq. Tassami illoqarfinni allani isaterisoqaraangat nutaanik inissialiortoqartarpoq, taanna oqaluttuarpoq.

Erseqqissumik akineqarusuttoq

Kristian Jeremiassenip illut taakku isaterneqaratik iluarsartuunneqarnissaat kissaatigigaluarpaa.

Siunissami Qasigiannguani qanoq pisoqarnissaa pillugu, taamaattumik ineqarnermut naalakkersuisoqarfimmit erseqqissumik akineqarnissani kissaatigigaluarpaa. erfor ønsker han en klar melding fra Departementet for Boliger, om hvad der kommer til at ske i fremtiden for Qasigiannguit.

Illoqarfimmi tusatsiagarpassuit ingerlaarput. Qanoq pisoqarnissaanik nalunaarfigineqarnikuunnginnatta taama pisoqarpoq. Akineqarnissannut qinnuiginninnerat akineqarnissaa neriuutigisimagaluarpara, utaqqiinnarsinnaajunnaarattami, Kristian Jeremiassen oqarpoq, taassuma kommunalbestyrelsi aqqutigalugu Qasigiannguani ineqarniarneq pillugu pissutsinik misissuinermik aallartitsiniarpoq

Powered by Labrador CMS