Skip to main content

Kristian Jensen issittumut tunngatillugu oqaaseqartartutut soraarsinneqartoq

Venstremi siulittaasumut tulliusimasoq atuuffimminit tamanit peersitaasimavoq

Venstremi siulittaasumut tulliusimasoq Kristian Jensen issittumut tunngatillugu oqaaseqartartutut ataatsimiititalianilu ilaasortaaffi´mminit tamanit peersitaasimavoq.

Venstre tusagassiorfinnut nalunaaruteqarnermini ilisimatitsivoq. iulersuisut isumaqatigiillutik tamanna aalajangersimavaat, Ventremit oqartoqarpoq.

Kristian Jensenip taamaalilluni partiimi oqaaseqartartutut atuuffituani annaavaa. Qaammat ataaserluunniit suli qaangiutinngilaq Kristian Jensen issittumut tunngatillugu oqaaseqartartunngortinneqarmat.

Kristian Jensenip Jyllandspostenimit apersorneqarluni Venstre naalakkersuisunik, De Radikalinik aamma De konservativenik peqateqarluni aningaasaqarnikkut aaqqissuusseqqittoqarnissaanik siunnersuuteqarsimatsiartoq tusagassiorfinnut nalunaaruteqartoqarpoq.

Nammineerluni Jyllandspostenimut oqaatigisimavaa, isumassarsiani pillugit partiimi aqutsisunut ilisimatitsisimanani.

Tamannalu kinguneqartinneqarpoq, Venstrep politikkikkut oqaaseqartartua Sophie Løhde nutaarsiassaqartitsivimmut Ritzauimut oqarsimvoq.

- Partiip iluani malittarisassaqarpugut malitassanik. Taakkulu malinneqarsimanngimmata kinguneqartitsisoqarpoq.

Kristian Jensenip Jyllandspostenimit apersorneqarluni siunnersuuteqarneranut atatillugu Sophie Løhdep erseqqissaatigaa, siulittaasup tullerisimasaa partii sinnerlugu oqaaseqarsimanngitsoq.

Ilisimatitsissut taanna Ritzaumiut uteqqippaa.

Apeqqut: Kristian Jensen Venstremi siunissaqarsoraajuk?

- Kristian Jensen tamanna oqaloqatigisariaqarpat. Uanga allanik ilanngussassaqanngilanga, Sophie Løhde oqarpoq.

Kristian Jensenip Issittoq pillugu oqaaseqartartuujunnaarsinneqarnermi saniatigut ataatsimiititaliani ilaasortaaffimminit tamanit aamma ilaasortaajunnaarsinneqarsimavoq. Issittoq pillugu Aallartitanut, Aningaasaqarnermut Ataatsimiititaliami, Savalimmiut pillugit Ataatsimiititaliami, Kalaallit Nunaat pillugu Ataatsimiititaliami Nunanullu allanut tunngasunut Ataatsimiititaliami maannamut ilaasortaagaluarpoq.

Kristian Jensenip Jyllands-Postenimut nassuiaatigisimavaa, nammineerluni siunnersuuteqarnerminut tunngaviusoq, partiimi aqutsisunut ilaajunnaarami "kiffaanngissuseqarnerusumik atuuffeqalertussatut" misigisimalluni .

Kristian Jensen 2009-miit 2019-imut Venstremi siulittaasummut tulliusimavoq. Piffissap pineqartup iluani 2010-miit 2015-imut Folketingimi Venstrep gruppiani siulittaasuusimavoq, 2015-imiit 2016-imut nunanut allanut ministeriusimavoq 2016-imiillu 2019-imut aningaasaqarnermut ministeriusimalluni.

Ritzaup Kristian Jensen pisoq pillugu oqaaseqartinniarsimagaluarpaa iluatsinngitsumilli.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER