Kreutzmann: Pikkorinnerpaanut ilaalerniaraanni makku aqqusaagassaapput
Akutaaneq Kreutzmann 30-nik ukiulik Japanimi inuussutissarsiutigalugu assammik arsartartuullunilu nunanut allanut unammisartuusoq, Kalalaallit Nunaanni illoqarfinnut arlalinnut upernaap ingerlanerani tikeraarniarpoq. Inuussutissarsiutigalugu assammik arsartartunngorniarnini qanoq ingerlasimanersoq oqaluttuarissavaa.
- Assammik arsartartoqatiga Minik Dahl Høegh tamanna pillugu oqaloqatigisarsimavara. Inuussutissarsiutigalugu assammik arsartartunngorniarluni aqqusaagassat pillugit oqalugiartarnissaq soqutigisarilluinnarparput. Timersortartutut misigisartakkat pitsaavallaanngitsut aqqusaagassaasarput, Akutaaneq Kreutzmann aviisimut AG-mut oqarpoq.
Kalaallit Nunaanni illoqarfinnut arlalinnut tikeraarnissani piffissami sivisuumi piareersarsimavaa, maannalu qularutiginagu oqaatigisinnaanngorsimavaa, marsip qaammataani tikilerluni. Pilersaarusiornermilu immikkuualuttut suli inississimannginnamigit ullut suut illoqarfinni assigiinngitsuniissanerluni oqaatigisinnaanngikkallarpaa.
- Inuppassuit isumaqartarput unamminermi angusarineqartut soqutiginarnerpaasartut. Uanga taamatut isumaqanngilanga. Unamminerulliuna qanoq ingerlanneqarnera pingaarnerpaasoq. Tamanna oqalugiarninni oqaluttuariniarpara, neriuutigaaralu inuusuttut timersortartut ilisimasat tunniussakka iluaqutigiumaaraat, Akutaaneq Kreutzmann oqarpoq.
2007-imi Danmarkiliarpoq, inuusuttuulluni unammisartutut Silkeborg Voelimi aallartilluni. Tamatuma kingorna assammik arsartartut klubbii, soorlu Bjerringbro Silkeborg, BSV-mik aamma taaneqartartoq, GOG aamma Nordsjælland Håndbold peqataaffigisarsimavai. Siorna aasakkut Japanimut nuuppoq, tassanilu inissilluarsimalluni.
Allaaserineqartoq tamakkiisumik uani atuaruk: